基地叁 (已結業)

早前女兒同我去咗基地貳見識過超靚嘅180度無邊界螢幕和美味嘅fusion 菜，佢今日又同我去旺角基地叁 ，餐廳以我最鍾意嘅紫色做主題，紫色格調感覺好舒服，無論燈光、環境氣氛都係打咭好地方。基地海鮮湯：用料有大蝦及帆立貝, 蜆、魷魚，海鮮新鮮彈牙。橙色的濃湯充滿鮮甜味道, 面層放上脆卜卜多士, 增添豐富口感。風乾火腿薯仔忌廉湯，口感creamy,加上有脆麵包粒，吸收湯底，啖啖都美味無窮！香煎紐西蘭羊T骨：選用羊T骨, 揀咗五成熟，肉質程粉紅色，嫩滑多汁, 羊羶味道不會太重，配搭上沙律菜和薯蓉，口感和味道都唔錯！慢煮西班牙豬肩：豬肩以慢煮方式煮製，具彈性之餘，還保留肉汁和口感，雲尼拿紫薯沙冰：呢杯色調真係同餐廳好襯，打咭一流！用紫薯打成得沙冰，色澤鮮明，加上雲尼拿creamy 的口感，布蕾奶蓋榛子咖啡沙冰：面層放有布蕾奶蓋，下層係榛子咖啡沙冰，飲落層次分明, 入口順滑不會太甜。