Check In ThaiViet (已結業)

Check In ThaiViet有素食餐牌，無五辛但部分有雞蛋成分。店舖比想像中嘅細，只有2人、4人或bar枱。金不換雜菜干炒河粉 ($98)炒河粉有香濃嘅香草味，河粉闊身，帶有少少油，呢種油嘅程度可以接受。配料仲有西蘭花、椰菜花、粟米仔、甘筍同雞蛋。泰式奶茶 ($38)依家好興嘅熊仔飲品，為咗打卡而叫嘅奶茶。杯嘅底部放有煉奶，熊仔係茶冰，另外亦會附上一壺紅茶比你自己再倒入奶茶入面。味道同港式奶茶唔同，唔知點解第一啖會飲到藥水味。