毛所樹樹

營業中

休息中

今次朋友帶👧🏻去到深水埗嘅貓貓Cafe，平時有一個錯覺，動物Cafe嘅食物都可能比較一般，但呢一間Cafe絕對可以擊破呢啲思想！毛所樹樹呢間素食餐廳食物係意想不到嘅好味！貓貓🐱都平易近人，絕對推介大家一邊食素食，一邊同緬因貓們玩！🌟火炙貝貝南瓜枝豆竹笙素帶子意大利飯以南瓜醬汁做Base意大利飯，有齊扮帶子既雞髀菇粒（火炙貝貝）、枝豆、竹笙等材料，醬汁Creamy濃郁，充滿南瓜🎃嘅香甜，其他材料會為飯帶來唔同質感。雞髀菇粒到Juice同有咬口，成個飯嘅感覺唔似食緊素食！🌟全日素早餐朋友就叫咗All Day Breakfast，有齊牛油果蕃茄莎莎、法包🥖、鮮果雜菜沙律、大啡菇、炸南瓜餅、意式咸香素煙肉伴炒滑蛋、燒貝員南瓜、茄汁黃豆。當中每樣都發揮平均，最估唔到煙肉炒蛋🥓又真係幾似樣！🌟馬來沙嗲素雞串配鮮菠蘿粒叫咗主菜，小食會有加配優惠價。素雞串一盒有四串，醃得好入味，食落嘅味道同平時食既串燒差唔遠，質感都有咬口。沙嗲醬仲有唔少花生碎粒，再配埋細細粒菠蘿粒，幾令人滿意！🌟Cloudy另外跟餐可以半價加配飲品， 呢一杯Cloudy就有伯爵茶、紅桑莓、奶泡同檸檬皮🍋。