素來素往 (已結業)

近日多左朋友轉食素，話對身體同環境好啲。有時都會覺食素既餐廳無咩選擇，今日就約左一個食素既朋友去大角咀呢間素來素往食晚餐。佢係自助餐形式，幾驚喜其實都幾多人去食，晚市係$128任食90分鐘。今晚可以話係大開眼界，原來食素係可以有咁多選擇。佢既菜由沙律，炸物，冷拌，湯水，糖水，小菜，關東煮，豆腐花.....都十分之多菜式。同埋佢既素菜會好細心寫埋邊啲有蛋成份邊啲有奶成份，令到半素食者／全素食者更有充份資料。我地今晚都食到好飽，特別推介幾款有驚喜既菜式： 🔸️關東煮（8.8／10）好吸引既關東煮鍋，入面有9款鍋物，特別中意佢腐皮同白蘿蔔，清甜。 🔸️腸粉（9／10）以前要落豬油既腸粉先夠滑，原來素腸粉都可以整到幾滑幾香。 🔸️豬腳薑（8.5／10）佢外型就係一煲豬腳薑咩樣，雖然都有薑醋味，但一定唔係豬腳，而係油條，感覺幾新鮮特別。 🔸️煎釀三寶（8.6／10）同傳統煎釀三寶有得揮。佢中間嗰舊“素肉”都幾彈牙幾有口感。 ✏️呢間素菜自助餐如果午市黎食只係$72，午茶更低至$65，幾抵食。都係茹素者或想試茹素既一個好選擇。