影片
更多
2020-10-28
759 瀏覽
近年社會流行素食主義，人們愈來愈注重健康飲食。許多餐廳紛紛帶動素食風氣，而身邊亦有不少朋友加入了「Go Green」行列。早兩日應朋友邀約來銅鑼灣食晏，朋友揀咗 Fashion Walk 入面嗰間「Vivienne Westwood」。原來餐廳最近推出咗一系列素食餐單，當中包括有低卡素食英式早餐、素·肉醬意粉及素·英式下午茶，所以想同我嚟試下。Café 圍繞 Vivienne 作為英國時裝設計師的生活，並以時裝表演後台的「攝影棚」為靈感。而店內另一端則以「茶室」為題，牆身上的壁紙令人有彷如置身 18 世紀法國宮廷中之感。點咗個 Veggie English Breakfast ($158) 同 Veggie Spaghetti Bolognese ($168)，另外再加咗兩杯飲品。低卡素食英式早餐率先送上，成品用料非常豐富，有香烤多士、茄汁焗豆、薯餅、欖油焗靈芝菇、新鮮煎番茄、粟米粒同兩條巴雷特香腸，真是未吃先興奮。薯餅大塊脆口，不會油淋淋。靈芝菇富油香又不油膩，份量也多。番茄有細心煎過，帶微微燶邊。多士有厚度，入口充滿牛油香，抵讚。不過講到最令人印象深刻嘅，當然係經 Green C
早兩日應朋友邀約來銅鑼灣食晏，朋友揀咗 Fashion Walk 入面嗰間「Vivienne Westwood」。原來餐廳最近推出咗一系列素食餐單，當中包括有低卡素食英式早餐、素·肉醬意粉及素·英式下午茶，所以想同我嚟試下。
Café 圍繞 Vivienne 作為英國時裝設計師的生活，並以時裝表演後台的「攝影棚」為靈感。而店內另一端則以「茶室」為題，牆身上的壁紙令人有彷如置身 18 世紀法國宮廷中之感。
點咗個 Veggie English Breakfast ($158) 同 Veggie Spaghetti Bolognese ($168)，另外再加咗兩杯飲品。
低卡素食英式早餐率先送上，成品用料非常豐富，有香烤多士、茄汁焗豆、薯餅、欖油焗靈芝菇、新鮮煎番茄、粟米粒同兩條巴雷特香腸，真是未吃先興奮。薯餅大塊脆口，不會油淋淋。靈芝菇富油香又不油膩，份量也多。番茄有細心煎過，帶微微燶邊。多士有厚度，入口充滿牛油香，抵讚。
不過講到最令人印象深刻嘅，當然係經 Green Common 引進的 Moving Mountains 植物熱狗腸，以葵花籽製成、不含麩質、無激素、零膽固醇，口感味道媲美豬肉腸，而且營養價值更高。
至於另一客素·肉醬意粉，食味亦不俗。意粉煮得啱啱好，軟硬適中，惹味卻不過膩。肉醬用上純素「OMN!PORK 新豬肉」代替豬肉碎。新豬肉以豌豆、非基因改造大豆、香菇及米製成，味道和口感都跟普通豬肉相似，聞起來也沒有肉臊味，絕對能滿足素食者的「肉」望。
飲品點了有機蜜桃茶 Organic Peach Tea ($78) 同 焦糖拿鐵 Caramel Latte ($65)，蜜桃茶內有蜜桃果肉，真材實料，喝起來冰凍香甜，味道不錯。咖啡據說亦甚有水準，甘香醇厚，面頭有品牌商標的拉花圖案，更顯心思。
其實個素·英式下午茶都好吸引，不過要 2pm 後才有得供應，下次有時間會嚟試下。
張貼
