圓貝 (東港城) (已結業)

圓貝Mother Pearl主打純天然健康飲品，用上天然食材，適合素食者，感覺健康啲！飲品選擇都好多，而且賣相好吸引，好IGable! 🔅藍藻白雲顏色超夢幻，真係好似藍天白雲，好適合打卡，飲品係由黄金燕麥奶同藍藻岩鹽糖漿混合而成，上層係椰子奶蓋，味道甜甜哋，仲飲到有蝶豆花奇亞籽啫喱，口感滑嘟嘟，再加上有柚子同芒果，口感豐富，感覺好清新！🔅非常可仁超香濃朱古力味，用上燕麥奶沖調，面層鋪上綿滑朱古力米奶蓋，飲落有好多朱古力碎，珍珠煙煙韌韌，朱古力迷必試🔅抹茶海鹽麻糬曲奇軟曲奇幾好味，抹茶味香濃帶點回甘，麻糬煙韌有口感🔅紐約辣芝士素批餡料飽滿，芝士味香濃，外層酥脆，仲有蕃茄莎莎醬點，份外惹味