影片
更多
2022-09-11
806 瀏覽
平日屋企有叫開蒓豚，貴少少但係知道來源嘅豬。中秋翌日，落附近搵食想食拉麵，有行貨嘅豚X，姓周嘅拉麵又無開，試吓呢間打正旗號用本地豬嘅鋪頭。同細佬嗌咗一個原味一個蝦味噌，一碗$68，心諗應該會係細細碟細細塊叉燒，不過都唔緊要，呢幾日食咗咁多月餅食少啲啲都無問題。上碟時有啲出乎意料地多。麵嘅份量大約係200g 多啲，清晰可見麥粉粒，質感有嚼勁，一問之下原來係彩拉麵製作。另外配料有4塊叉燒，一隻溏心蛋，兩塊紫菜同清爽嘅海藻(特別註明係包括海葵同原條寒天。味道方面，魚介湯底根據師傅係比較濃嘅沾麵汁，飲落去係少少鹹而帶清甜，喺我哋俾人以為拉麵只係得豬骨湯嘅時候簡直係一道清泉，而比較幼嘅麵條同呢個湯非常之夾。叉燒係好食嘅，有肉味而唔係腥味呢個好重要。喺熱辣辣嘅夏天食呢沾麵，食完竟然會有種清新同洗滌心靈嘅感覺。一直都好鍾意食拉麵，由以前中環細鋪嘅豚王，去到日本都要食嘅金色不如歸，到未開到成行成市嘅麵屋一燈，一直都未有呢種純粹想做好一碗麵嘅感覺，你亦都唔會想像到同豚王而家啲師傅可以傾下整碗麵背後嘅心機。同老闆傾咗幾句，佢主動地講咗呢碗麵唔好嘅地方係個湯無咗層油喺面，食到後面會唔夠熱。$68，對得起呢碗
同細佬嗌咗一個原味一個蝦味噌，一碗$68，心諗應該會係細細碟細細塊叉燒，不過都唔緊要，呢幾日食咗咁多月餅食少啲啲都無問題。
上碟時有啲出乎意料地多。
麵嘅份量大約係200g 多啲，清晰可見麥粉粒，質感有嚼勁，一問之下原來係彩拉麵製作。另外配料有4塊叉燒，一隻溏心蛋，兩塊紫菜同清爽嘅海藻(特別註明係包括海葵同原條寒天。
味道方面，魚介湯底根據師傅係比較濃嘅沾麵汁，飲落去係少少鹹而帶清甜，喺我哋俾人以為拉麵只係得豬骨湯嘅時候簡直係一道清泉，而比較幼嘅麵條同呢個湯非常之夾。叉燒係好食嘅，有肉味而唔係腥味呢個好重要。
喺熱辣辣嘅夏天食呢沾麵，食完竟然會有種清新同洗滌心靈嘅感覺。一直都好鍾意食拉麵，由以前中環細鋪嘅豚王，去到日本都要食嘅金色不如歸，到未開到成行成市嘅麵屋一燈，一直都未有呢種純粹想做好一碗麵嘅感覺，你亦都唔會想像到同豚王而家啲師傅可以傾下整碗麵背後嘅心機。
同老闆傾咗幾句，佢主動地講咗呢碗麵唔好嘅地方係個湯無咗層油喺面，食到後面會唔夠熱。
$68，對得起呢碗麵嘅質數有餘。喺香港呢個咁功利嘅地方，附近有寫字樓，如果加$30 絕對一啲都無問題。佢嘅質素真係會令好多賣三位數一碗嘅行貨拉麵鋪自愧不如。
當然想食濃味啲嘅，雞白湯可以去座銀，豬骨湯就更多好嘅選擇。 😂
原味魚介沾麵
$68
53 瀏覽
0 讚好
0 留言
張貼
