Detour

第一街第二街第三街高街都有好多唔同嘅咖啡店選擇，要試勻哂都唔係咁易～今次嚟到一間以白色同埋木色系配搭嘅咖啡店，呢個顏色配搭都可以話係我心目中嘅no.1～小店座位都頗多，亦都具有wifi（不過速度比較緩慢，適合用嚟輕微上一上網而唔係用嚟開會或者上zoom堂），不過要注意咖啡店嘅座位多數都係高凳或者矮嘅木凳，影相好靚但坐得唔算舒服，唔太適合坐喺度太耐。今日嗌咗杯flat White非常高質，咖啡同牛奶嘅比例係我心目中最理想嘅平衡！