影片
更多
2023-05-05
619 瀏覽
同老友去食飯，佢搵咗呢間和牛拉麵店。上網見到呢間嘢成日大排長龍，我地閒日去，非常好彩唔駛排隊，可以直入。呢度選擇唔多，我地大家都係揀咗和牛沾麵，外加一個和牛餃子。呢間嘢主力畀你打卡，所以店員係會用好浮誇嘅姿勢上菜畀你影相。呢個係和牛餃子，不過味道非常一般，唔講都唔知自己食緊和牛之後到主菜和牛沾麵，唔好睇張相入面啲和牛好似好生咁，其實上菜前店員有用火槍噴過啲和牛，所以都係半生熟，入口都唔算太生。不過個沾汁好一般，啲牛肉亦未去到超好食嘅程度，以佢價錢嚟講係幾唔抵，我諗收費入面佔咗好大部分喺鋪頭gimmick度。另外，呢度汽水要30蚊一罐，本來都覺得冇乜嘢，好多食店飲品都係咁上下價錢，但罐汽水嚟到竟然係mini size，當下真係有種畀人宰割嘅感覺總結一句，想打卡貪新鮮又有budget嘅話可以一試，但如果純粹想食拉麵，我諗以同樣價錢可以搵到其他更好味嘅鋪頭！
上網見到呢間嘢成日大排長龍，我地閒日去，非常好彩唔駛排隊，可以直入。
呢度選擇唔多，我地大家都係揀咗和牛沾麵，外加一個和牛餃子。
呢間嘢主力畀你打卡，所以店員係會用好浮誇嘅姿勢上菜畀你影相。
呢個係和牛餃子，不過味道非常一般，唔講都唔知自己食緊和牛
之後到主菜和牛沾麵，唔好睇張相入面啲和牛好似好生咁，其實上菜前店員有用火槍噴過啲和牛，所以都係半生熟，入口都唔算太生。不過個沾汁好一般，啲牛肉亦未去到超好食嘅程度，以佢價錢嚟講係幾唔抵，我諗收費入面佔咗好大部分喺鋪頭gimmick度。
另外，呢度汽水要30蚊一罐，本來都覺得冇乜嘢，好多食店飲品都係咁上下價錢，但罐汽水嚟到竟然係mini size，當下真係有種畀人宰割嘅感覺
總結一句，想打卡貪新鮮又有budget嘅話可以一試，但如果純粹想食拉麵，我諗以同樣價錢可以搵到其他更好味嘅鋪頭！
張貼
