麥當勞

營業中

休息中

小秘書一向都對麥當勞嘅出品無咩要求，只要快快趣趣填飽個肚就已經心滿意足。不過麥當勞偶然都會有啲奇怪嘅新發明😑... 我份人就比較傳統，魚柳包餐就最啱我。呢排麥當勞又發明咗杯「紅豆特飲」，配埋兩隻「雞翼」，下午茶時間只係賣$15。小秘書見咁抵，就入去買一份試吓🍽 雞翼口味依然係又乾又無味，不過加啲辣醬配埋嚟食，味道尚可🙃 但係杯紅豆特飲就真係好唔拈😕第一啖飲落去感覺成杯「奶水」咁，無咩味道，飲多兩啖再攪勻佢，奶水開始有啲紅豆味，不過都係唔多夠味🤨 如果麥當勞唔願意投資咁多喺材料上，不如改細啲個杯，咁味道會濃郁啲。不過以$15呢個優惠價嚟講，我亦唔應該挑剔太多，就當一份小食過吓口癮😏