影片
更多
2021-10-04
161 瀏覽
今日請咗假，趁仲有得二人世界嘅時候試吓新嘅餐廳。今次揀咗位於K11 MUSEA嘅小型西餐廳，因為喺網上見到佢有紅蝦意粉🤣身為紅蝦意粉迷，點可以唔試！Lunch set未加一$268/位，但如果要食紅蝦意粉或其他要加錢嘅意粉，就大概加多$68到$98一位。我覺得以價錢來講，尚算合理，所以就走咗去試。餐廳環境一入到去比我想像中細好多，基本上大概坐到10幾個人左右，我諗佢平時係做party room俾人包場嘅多🤣而且餐廳內係完全冇窗，餐廳嘅場就用咗啲LED Mon，會播出一年四季嘅畫面，感覺幾新奇。食物方面，因為餐廳比較新，我發覺openrice上面嘅食評都好似打手咁(純粹個人感受🤣)，所以其實都唔係抱好大期望。最後都係決定為咗個紅蝦意粉自費嚟試吓😛抱住50 50嘅希望，祈求唔好中伏。平日黎到叫咗set lunch，有麵包，頭盤，小食，主菜同甜品，加餐飲。事不宜遲，即刻逐道菜點評一下。麵包: 蕃茄Parma ham麵包上碟嘅時候好精緻，用一個飾物盒裝住兩舊麵包，麵包應該係法包切皮，上面放咗蕃茄仔，同埋1塊2 cm ×2 cm大小既Parma ham。老實講味道就普普通通，而且ham真係少得可
Lunch set未加一$268/位，但如果要食紅蝦意粉或其他要加錢嘅意粉，就大概加多$68到$98一位。我覺得以價錢來講，尚算合理，所以就走咗去試。
餐廳環境一入到去比我想像中細好多，基本上大概坐到10幾個人左右，我諗佢平時係做party room俾人包場嘅多🤣而且餐廳內係完全冇窗，餐廳嘅場就用咗啲LED Mon，會播出一年四季嘅畫面，感覺幾新奇。
食物方面，因為餐廳比較新，我發覺openrice上面嘅食評都好似打手咁(純粹個人感受🤣)，所以其實都唔係抱好大期望。最後都係決定為咗個紅蝦意粉自費嚟試吓😛抱住50 50嘅希望，祈求唔好中伏。平日黎到叫咗set lunch，有麵包，頭盤，小食，主菜同甜品，加餐飲。事不宜遲，即刻逐道菜點評一下。
麵包: 蕃茄Parma ham麵包
上碟嘅時候好精緻，用一個飾物盒裝住兩舊麵包，麵包應該係法包切皮，上面放咗蕃茄仔，同埋1塊2 cm ×2 cm大小既Parma ham。老實講味道就普普通通，而且ham真係少得可憐🥲所以都係冇乜特別。
蕃茄Parma Ham麵包
1 瀏覽
0 讚好
0 留言
頭盤: 牛油果沙律 or 蘑菇湯(2揀1)
牛油果沙律嘅牛油果份量唔多，應該得三四小片，另外仲有啲橙蕃茄仔，同埋青蘋果薄片。至於dressing 方面就用咗少少酸嘅香醋，食落去幾refreshing，不過就完全食唔出有牛油果🤣成個沙律味道都OK，但稱唔上好好食。正常。
牛油果沙律
11 瀏覽
0 讚好
0 留言
蘑菇湯似係用蘑菇同奶油打出嚟，上面仲有一陣奶油泡沫同一塊蘑菇薄片，之後再配一條toast。toast 烤得幾脆，蘑菇湯都正常，唔會太鹹。對比起沙律來講，湯比較好飲。
蘑菇湯
2 瀏覽
0 讚好
0 留言
小食: 香煎小魷魚
小食反而有驚喜，餐廳用咗一個好熱嘅鐵鍋，裝住啱啱煎起嘅小魷魚。小魷魚用蒜片同牛油加香草一齊煎，配左幾條乾辣椒，熱辣辣上枱，非常香口，幾好食。
香煎小魷魚
1 瀏覽
0 讚好
0 留言
主菜: 紅蝦意粉 or 海膽鮑魚炒意粉
紅蝦意粉味都唔錯！比想像中好食😋蕃茄同龍蝦湯汁嘅調配恰到好處，酸酸甜甜嘅蕃茄味，加埋蝦膏嘅香味，食一口絕對會令人再想食多啖，而且鹹味適中！意粉嘅質感都唔錯，有咬口得來又唔會太硬。唯一缺點就係紅蝦嘅份量比較少，只有一隻完整嘅蝦，同埋零零碎碎嘅蝦肉。不過呢個價錢呢個份量都係算成正比嘅。紅蝦意粉推介大家可以嚟試吓！
紅蝦意粉
1 瀏覽
0 讚好
0 留言
海膽鮑魚炒意粉: 呢個主菜相對地冇紅蝦意粉咁出色，意粉都係屬於有咬口嘅，不過調味方面就只係得鹹味同埋油，欠缺醬汁嘅味道。而鮑魚就被切成薄片，雖然冇乜特別味道，質感就有啲似魷魚，但都睇得出係鮑魚嚟嘅。而海膽都算新鮮，不過就只有一小塊。
海膽鮑魚炒意粉
2 瀏覽
0 讚好
0 留言
甜品: 檸檬蘋果Moose
呢個甜品賣相非常特別，出邊係一層好薄嘅檸檬味白朱古力，入面包住檸檬味moose同埋蘋果肉。檸檬味Moose酸酸甜甜口感似雪糕，加埋白朱古力又幾好食喎。如果鍾意再酸多少少，連埋蘋果蓉一齊食更加有特色。呢個甜品我鍾意！
另外餐飲都係檸茶檸水咖啡奶茶😂呢個就唔多講啦。
檸檬蘋果Moose
2 瀏覽
0 讚好
0 留言
總括而言，今次自費食新餐廳都算冇中伏😂紅蝦意粉我覺得係性價比高嘅。比起係銅鑼灣食過果間抵食好多😂如果budget唔係太高嘅朋友仔可以黎試吓。不過呢度有個缺點，就係上菜超級超級慢😂😂12點嚟到坐低咗半個幾鐘先有第一個麵包上枱🤣建議如果係趕時間嘅千祈唔好嚟。同埋餐廳比較細，環境唔係幾開揚，不過餐廳整體都係企企理理既。但樓面侍應成日都唔見人😂始終新餐廳同埋營運比較細，大家就將就吓啦。
至於會唔會返兜，呢個就短期內應該未必啦，我會想繼續explore下其他餐廳先😆但係性價比來講，呢度真係算唔錯！
Price: weekday set lunch ($740/2pax.)
張貼
