尋日放工專登去紅磡市政大廈搵文記大排檔
果然冇失望，鑊氣夠曬足
豆腐枝竹魚腩煲
-上台湯汁滾到滋滋聲！魚腩煎得金香，咬落啖啖肉
完全冇腥味，豆腐吸晒醬汁，軟滑入味
枝竹腍身唔會黐牙，鹹甜醬汁撈飯一粒飯都唔想剩！
蜜椒薯仔牛柳粒
-牛柳粒大件又嫩口，咬落juicy，唔會嚡口
薯仔炸過外層脆，內裡粉糯，吸晒蜜椒醬嘅鹹香微甜
香氣十足，镬氣完全鎖喺食材入面！
半隻菜膽雞
-雞皮爽脆，肉質嫩滑，咬落有雞味，唔似冰鮮雞
菜膽淋甜，吸晒雞汁，簡直係 最佳配角
招牌文記小炒皇
-蝦乾、腰果、韭菜花同鮮魷炒埋一碟，镬氣衝天！
蝦乾鮮味夠，腰果脆卜卜，韭菜爽脆解膩
所有食材炒得夠鑊氣，鹹淡適中
1
