刕舙馫麵館 (已結業)

去完紅磡市政大廈體育館打完羽毛波,我地一行四人就去附近搵地方食晚飯😎聽講新開左間刀削麵館,大家一致同意去果度食晚飯。舖頭名好特別,叫刕舙馫麵館。入到去就俾佢右邊牆既畫壁吸引,畫壁畫左傳統民間街頭,有古色古香之風。以下講下幾款野食:麻辣水餃刀削麵- 水餃皮十分薄,餡料是白菜豬肉,一咬湯汁溢出。刀削麵口感彈牙,爽滑麻辣金沙骨-金沙骨長條大大件,外皮有d焦香,醃料惹味,而且炸得香酥，比較香口。涼伴青瓜-青瓜賣一碟9$,青瓜配上特製醬汁,加上是涼伴,冰冰涼涼,十分開胃惹味。