影片
更多
2023-08-21
76 瀏覽
平時經過已經聞到好香嘅孜然味，加上咁多人等外賣自取，就已經好想試！今日終於有機會！如果淨係睇環境未必可以吸引倒我食，但見網上咁多好評，姑且比一個機會佢！呢度最出名係串燒，全部都係即叫即做，保證新鮮熱辣。除此之外仲有香鍋、炒粉麵、酸辣粉、海鮮等等。落單後等候期間見倒4個外賣平台不停出單，亦有好多人外賣自取，所以等候時間比較長。幸好我哋點嘅餸都有陸續上菜，不至於乾等。首先有燒鴨胸肉、和牛、豬頸肉同雞軟骨即叫即整果然有品質保證，燒鴨胸肉肉質嫩滑，和牛有濃濃油脂味，豬頸肉咬落彈牙，雞軟骨爽脆。全部都好惹味，每張枱都有辣粉同孜然粉俾食客自行調味。麻辣豆腐除咗串燒，食川菜當然要試吓麻辣豆腐，豆腐係現成包裝，不過不失，但調味非常惹味，不會太油，麻而不太辣。其中一道推介菜式係鵝肝多士，$70有四少分鵝肝多士真係物超所值，鵝肝雖然略為燒焦，入口香脆，但肝心仍然柔軟質感，入口溶化，不失為一道可口值推嘅小食！另一道廚師推介係蒜蓉燒生蠔，上碟時蠔殼非常大，但生蠔相對地細，屬於偏細同咸嘅生蠔，蒜蓉份量非常多，但都冇掩蓋生蠔新鮮嘅肉汁！牛肉麻辣香鍋配白飯呢度菜算係今晚最普通嘅，肥牛份量豐富，但略嫌偏鹹。重慶酸辣紅
平時經過已經聞到好香嘅孜然味，加上咁多人等外賣自取，就已經好想試！
今日終於有機會！如果淨係睇環境未必可以吸引倒我食，但見網上咁多好評，姑且比一個機會佢！
呢度最出名係串燒，全部都係即叫即做，保證新鮮熱辣。除此之外仲有香鍋、炒粉麵、酸辣粉、海鮮等等。
落單後等候期間見倒4個外賣平台不停出單，亦有好多人外賣自取，所以等候時間比較長。幸好我哋點嘅餸都有陸續上菜，不至於乾等。
首先有燒鴨胸肉、和牛、豬頸肉同雞軟骨
即叫即整果然有品質保證，燒鴨胸肉肉質嫩滑，和牛有濃濃油脂味，豬頸肉咬落彈牙，雞軟骨爽脆。全部都好惹味，每張枱都有辣粉同孜然粉俾食客自行調味。
1 瀏覽
0 讚好
0 留言
1 瀏覽
0 讚好
0 留言
麻辣豆腐
除咗串燒，食川菜當然要試吓麻辣豆腐，豆腐係現成包裝，不過不失，但調味非常惹味，不會太油，麻而不太辣。
1 瀏覽
0 讚好
0 留言
其中一道推介菜式係鵝肝多士，$70有四少分鵝肝多士真係物超所值，鵝肝雖然略為燒焦，入口香脆，但肝心仍然柔軟質感，入口溶化，不失為一道可口值推嘅小食！
0 瀏覽
0 讚好
0 留言
另一道廚師推介係蒜蓉燒生蠔，上碟時蠔殼非常大，但生蠔相對地細，屬於偏細同咸嘅生蠔，蒜蓉份量非常多，但都冇掩蓋生蠔新鮮嘅肉汁！
0 瀏覽
0 讚好
0 留言
牛肉麻辣香鍋配白飯
呢度菜算係今晚最普通嘅，肥牛份量豐富，但略嫌偏鹹。
0 瀏覽
0 讚好
0 留言
重慶酸辣紅薯粉
作為紅薯粉控嘅我真係非常喜歡紅薯粉嘅麵質，非常煙韌有咬感，吸收晒濃郁嘅酸辣湯底，每啖都辣得好過癮！
0 瀏覽
0 讚好
0 留言
由於係假期繁忙時段，堂食同外賣都好多單，建議下次可以先打電話落單，預啱時間先嚟攞就可以省卻等候時間。如非繁忙時間，堂食飲下酒都係不錯嘅選擇。
張貼
