洪祖師 (已結業)

今晚喺上水上完堂，去左洪祖師食紅燒豬軟骨麵，女友叫麻醬手撕雞手工麵。手工麵似烏冬，幾煙靱。但女友嫌啲醬太肥。佢中意飲我碗麵啲湯多啲。我覺得碗麵幾香嘅，港式口味囉，我仲以為係台式。老實講，佢係香，但唔特別，佢啲湯係甜甜地，但我之後覺得好口渴。套餐飲品我叫左柑桔檸檬，女友叫薑母茶，我飲我嗰杯時居然覺得辣辣地，可能酸得滯。我無諗到一杯嘢飲都令我有辣嘅感覺，因為我比較怕辣，一向避食辣嘢，但有乜理由柑桔檸檬會令我有辣嘅感覺？真係唔明。