鮨心 ，旬節 (已結業)

鐘意食日本野既我又出動喇！今日收工～帶女友去旺角去食omakase 慶祝紀念日～前菜冷盤為炎熱既夏天醒醒胃！大愛中間海葡萄、蘿蔔蓉、巨峰提子既冷盤！原來配上紫蘇葉係咁好食！薄脆既紫蘇葉味道清香，侍應提醒要一齊食！不同味覺交織著，甜、鹹、酸...好清新。刺身三食拖羅係超肥美，入口即溶。牡丹蝦膠質飽滿，面頭係櫻花蝦碎，味道更濃！貝類爽甜！配上海鹽已足夠！熱食燒鱈魚～肉質結質！皮下脂肪膠質豐富！燒汁微甜！同沙律醬好襯!日本蕃薯🍠皮薄餡靚～係糖芯架！壽司三食海膽軍艦-海膽極鮮甜，有成寸厚😳😳😳鳥貝-第一次食咁大隻既貝類，好厚肉鮮甜右口魚-配上香蔥同明太子，更加鮮！麵豉湯-蜆肉結實有口感，令湯更加甜！甜品-蜜瓜清甜多汁！特別鐘意食青檸啫喱，口感好滑煙韌！甜度岩岩好！其他玫瑰雪巴、芒果椰絲都好食～整體感覺清新又唔會太甜！唔會飽滯！最後～不要少看這杯綠茶🍵日本的茶都沒有炒太多～味道清香點，喝到底～最後慢慢回甘！厲害之處係我走左都仲回甘緊！