影片
更多
2019-02-24
723 瀏覽
上環不嬲都出名食地道野，今次食番間細個成日同老豆食，好有感情既雲吞麵鋪頭—權記-魚蛋雲吞撈麵加底 $27魚蛋幾爽口彈口，雲吞大大粒味道唔錯， 唯一可惜既位係包果陣唔夠細心，留左舊蝦尾係入面。撈面底用蠔油黎撈，魚蛋雲吞同蔥花湯另上，蠔油落得有啲姑寒，唔加底既話都只係僅僅夠撈。麵用既係鹼水幼麵，好重鹼水味，口感亦都幾爽口唔會煮得太冧。個人黎講覺得撈麵最抵食，一個麵幾種食法😈 一半放落湯當湯麵食，其他照樣用蠔油撈。順帶一題佢啲秘製辣椒醬好正，加埋落麵到配埋蠔油都係十分正。-魚片雲吞湯麵 $20魚片一樣咁彈咁爽，湯底夠曬清，飲落唔似有落味精，女朋友表示可以再咸啲啲。份量黎講 冇加底既麵底都十分重手，兄弟們食一個麵底都夠食。-客觀黎講食物水平係合格之上、甚至比唔少連鎖麵家更加好食，再加上咁抵既價錢，岩曬糧尾既中環打工仔食。大家經過中上環亦都可以試下，係一間充滿人情味既鋪頭黎，依家香港地道食店買少見少，係香港人既就一定要撐！
-
魚蛋雲吞撈麵加底 $27
魚蛋幾爽口彈口，雲吞大大粒味道唔錯， 唯一可惜既位係包果陣唔夠細心，留左舊蝦尾係入面。撈面底用蠔油黎撈，魚蛋雲吞同蔥花湯另上，蠔油落得有啲姑寒，唔加底既話都只係僅僅夠撈。麵用既係鹼水幼麵，好重鹼水味，口感亦都幾爽口唔會煮得太冧。個人黎講覺得撈麵最抵食，一個麵幾種食法😈 一半放落湯當湯麵食，其他照樣用蠔油撈。順帶一題佢啲秘製辣椒醬好正，加埋落麵到配埋蠔油都係十分正。
魚蛋雲吞撈麵加底
$27
140 瀏覽
1 讚好
0 留言
-
魚片雲吞湯麵 $20
魚片一樣咁彈咁爽，湯底夠曬清，飲落唔似有落味精，女朋友表示可以再咸啲啲。份量黎講 冇加底既麵底都十分重手，兄弟們食一個麵底都夠食。
魚片雲吞湯麵
$20
68 瀏覽
0 讚好
0 留言
-
客觀黎講食物水平係合格之上、甚至比唔少連鎖麵家更加好食，再加上咁抵既價錢，岩曬糧尾既中環打工仔食。大家經過中上環亦都可以試下，係一間充滿人情味既鋪頭黎，依家香港地道食店買少見少，係香港人既就一定要撐！
張貼
