杏香園 (已結業)

大約晚上11點去到九龍城杏香園甜品舖， 未至於要排隊等位但店內顧客都好多。 冇打算食咩糖水或者甜品，後尾見到佢海報貼住推介羽衣甘藍湯豬肉餃或者羽衣甘藍素餃， 即刻食指大動。 掛住食都冇影到相， 湯餃個湯底係有羽衣甘藍，湯底雖然 對我嚟講鹹咗啲，飲得出係冇味精。38蚊8隻湯餃， 食完之後好飽。 叫咗個雪糕涼粉，佢啲涼粉有好多， 等個雪糕溶左啲，再把涼粉再撈埋‘溶左的雪糕一齊食，雪糕甜同涼粉嘅甘味一齊喺個口入面， 冇得頂。