龍糖坊

營業中

休息中

好開心又俾我搵到一間好正嘅糖水舖！呢間《龍糖坊》係銅鑼灣新開的糖水店，係龍點心旗下的新品牌，無論糖水或芝士蛋糕都令我好滿足🤩.好鍾意餐牌上有〈一碗大滿足〉、〈一盤大滿足〉，可以滿足到想一次過試晒唔同款式糖水嘅朋友。我哋都叫了〈一碗大滿足〉，另外還有〈芋圓芒果仙草奶凍〉及〈開心果巴斯克芝士蛋糕〉。.〈一碗大滿足〉 —呢碗糖水真係好豐富！有齊椰奶、芋圓、桃膠、蓮子、仙草、西米、香芋、紅豆！🤩.每種配料都好食椰奶好香芋圓大大粒，好Q彈煙韌桃膠、仙草夠爽口蓮子、西米、香芋、紅豆都煮得夠淋整碗糖水好清甜，唔會太甜，好食👍🏻.〈芋圓芒果仙草奶凍〉 —呢碗材料都豐富，除了有椰奶、芋圓、仙草、西米，更有奶凍及芒果.奶凍係椰青水味道，好特別，好滑好清甜芒果大大粒好甜呢碗一樣甜度適中，唔會太甜，都好好食👍🏻.除了糖水，呢度都有芝士蛋糕〈開心果巴斯克芝士蛋糕〉 —好驚喜！整件蛋糕都好滑、有好濃的開心果味芝士蛋糕中間夾著開心果醬，超滑超好食，係呢件蛋糕的靈魂！我大愛呢件蛋糕😋.除了食物，我都好鍾意呢度嘅裝潢，連碗、碟、盤子都好別致好靚。