WM Café & Bar (八號花園)

營業中

休息中

跟餐嘅龍蝦湯夠熱，仲食到龍蝦肉🦞。跟餐仲有得揀沙拉或者係炸蠔，我地就揀左炸蠔，每人2粒，上到檯仲熱辣辣，噴緊煙😍炸皮唔會太厚，蠔冇腥味，食落好香口，配千島醬食一流。而個主菜香煎刺身帶子龍蝦汁蟹肉意粉軟硬度適中，不會太軟，啱啱好。個龍蝦汁唔錯，不會太稀，意粉仲會掛汁！時不時會食到蟹肉，但存在感唔太高😹另外有2粒好大粒嘅帶子，唔會overcook，淨係煎到表面香香地😆個意粉到仲有d細細粒嘅帶子，好足料！😆😆另外個西班牙海鮮焗飯有好多海鮮，好足料，但係份量唔會太大，如果係2個女仔食就啱啱好。跟餐嘅咖啡雖然唔係拉花咖啡，但係係即磨咖啡，好飲，唔會太酸☕而個凍奶茶就正正常常，不過不失啦。