影片
更多
2021-08-12
127 瀏覽
📍餐廳位置方便，在尖沙咀海港城對面，環境寧靜，配上柔和的黃燈光，氣氛一流，餐枱之間空間寬闊，可保持私隱度。👍🏻服務員的服務態度細心有禮，會在用餐前為每位客人鋪上餐巾及細心解釋每道菜的材料和食法。菜單方面有兩款Dinner Set : Caviar Menu 和 Deluxe Menu, 今次兩款都試左。法式自家製麵包配自家特色醬🧈🥖自家製麵包可選擇迷你多士，芝士脆片和蕃茄餐包，配上加咗香料同蕃茄嘅牛油醬，口感軟滑，蕃茄的酸減少左油膩感，細細份作為餐前小食啱啱好。餐前菜：蕃茄薯片三文魚醬配三文魚子 🐟 薯仔片香脆，中間夾住三文魚醬，食到一絲絲嘅三文魚肉，上面配三文魚子，三文魚子爆開時鹹香同鮮味混合三文魚醬非常夾，再用咗少少七味粉調味，配搭非常新鮮。頭盤: 香煎小魷魚🦑及辣椒茄子凍 🍆配香草田園沙律 🥗 香煎小魷魚配上七味粉非常野味，食得出魷魚嘅鮮味亦都唔會韌，配上辣椒茄子凍酸酸甜甜中帶點辣，配搭出一道非常創新嘅開胃菜。頭盤：龍蝦🦞和藏紅花青檸果凍卷配魚子醬及田園沙律🥗和紅菜頭醬黃色外皮係青檸果凍，包住裏面嘅沙律醬同紅菜頭醬，味道清新，配上龍蝦和魚子醬等海鮮的鮮味，仲有焗過嘅果仁，口感香脆
法式自家製麵包配自家特色醬🧈🥖
自家製麵包可選擇迷你多士，芝士脆片和蕃茄餐包，配上加咗香料同蕃茄嘅牛油醬，口感軟滑，蕃茄的酸減少左油膩感，細細份作為餐前小食啱啱好。
餐前菜：蕃茄薯片三文魚醬配三文魚子 🐟
薯仔片香脆，中間夾住三文魚醬，食到一絲絲嘅三文魚肉，上面配三文魚子，三文魚子爆開時鹹香同鮮味混合三文魚醬非常夾，再用咗少少七味粉調味，配搭非常新鮮。
頭盤: 香煎小魷魚🦑及辣椒茄子凍 🍆配香草田園沙律 🥗
香煎小魷魚配上七味粉非常野味，食得出魷魚嘅鮮味亦都唔會韌，配上辣椒茄子凍酸酸甜甜中帶點辣，配搭出一道非常創新嘅開胃菜。
頭盤：龍蝦🦞和藏紅花青檸果凍卷配魚子醬及田園沙律🥗和紅菜頭醬
黃色外皮係青檸果凍，包住裏面嘅沙律醬同紅菜頭醬，味道清新，配上龍蝦和魚子醬等海鮮的鮮味，仲有焗過嘅果仁，口感香脆，配搭出一道非常創新嘅開胃菜。
香煎鵝肝和黑糖黑麥吐司配杏脯蓉🍑
鵝肝煎到好香，入口即化，罪惡感滿分，配上酸酸甜甜的杏脯蓉，中和了鵝肝的油膩感；黑糖黑麥吐司脆香中帶甜甜的黑糖味。
大目吞拿魚他他🐠及香炸魚子薯仔香草杏腩沙律🥗配日本柚子酸忌廉
吞拿魚蓉好滑，完全冇渣，配上魚子醬和日本柚子酸忌廉，酸酸甜甜中帶鹹香，為吞拿魚蓉提鮮；香炸魚子薯仔熱辣辣，外皮炸得好香脆。
🍅馬爾芒德蕃茄清湯配血色瑪莉香草什色茄莎莎龍蝦濃湯及🧀巴馬臣芝士薄脆配椰香酸忌廉
服務員細心建議由淡味食到濃味，先食馬爾芒德蕃茄配酸忌廉，食到原汁原味嘅蕃茄味，非常清新同濃郁，同平時食到嘅蕃茄仔完全唔同。跟住再飲啖蕃茄清湯，估唔到顏色咁淡味道非常濃郁，食到蕃茄嘅鮮味。最後再食龍蝦濃湯，龍蝦湯味道非常濃郁，唔會太咸，淡淡都係龍蝦鮮味。
北海道牛乳鮮蠔忌廉湯配酥炸生蠔
忌廉湯非常濃郁creamy，有淡淡的蠔味，沾上酥炸生蠔，香脆可口。
特級牛肋條和松露馬鈴薯團子及自家製竹炭雲吞配檸檬泡沫🍋
牛肋條炆到非常淋，而且已經起咗骨方便食用，配少少檸檬泡沫帶出香濃牛味；黑白竹炭雲吞外型十分吸引，配搭煙煙韌韌的團子，口感一流。
香草橄欖油配油封三文魚🐟，白蘆筍配芥末豆蓉
三文魚同芥末一向都係最佳配搭，油封三文魚下油芥末豆蓉有淡淡的芥末味而不刺鼻，配上白蘆筍減低油膩感，上面仲有魚子醬為三文魚提鮮。
烤白鴿配慢煮茄子🍆和莫蘇里拉芝士🧀及風乾蕃茄🍅配泰國青檸橄欖油
烤白鴿的味道似鴨肉但好嫩滑，唔似鴨肉咁老，慢煮茄子吸收了鴨肉的油分和醬汁非常夾。
🦀松葉蟹肉甲羅燒蟹膏香草奶油意大利飯配荷蘭汁
甲羅燒裏食到絲絲嘅蟹肉，配上creamy嘅忌廉，意大利飯吸收左醬汁非常濃郁，上面仲有啲三文魚子提鮮，三文魚子爆開醬汁流出，口感一流。
🍧芭樂雪葩配鮮紅石榴及泡沫
食咗咁多濃味嘅海鮮同肉類係時候要清新下個口，呢個時候食返杯酸酸甜甜嘅雪葩就啱啱好，配上紅石榴乾及泡沫，refreshing得來帶點夏日氣息。
主菜：🦞橄欖油慢煮龍蝦尾和羊肚菌及香草松露馬鈴薯團子配薑汁蘿蔔泡沫
龍蝦肉應該係用咗藍龍蝦，口感彈牙及有鮮味，配上羊肚菌及香草松露，令龍蝦鮮味進一步昇華。
主菜：烤上等牛里脊肉和鵝肝牛油冧酒及夏日松露配馬爹利醬
牛里脊肉是牛極稀少的部位，肉質細緻軟嫩，油脂含量極低，烤焗最能鎖住肉汁保持嫩滑，配上鵝肝，松露及馬爹利醬讓牛肉有豐富多層次口感。
甜品：櫻桃餡奶酪卷及自製香草雪糕配皮塔脆皮和焦糖醬
自製香草雪糕好creamy, 有香濃的雲呢拿味，奶酪卷外皮，香脆裏面酸酸甜甜，一解油膩感。
甜品：雲朵中的甜品
好似成個蛋糕咁，下面有乾冰做出騰雲駕霧的效果，係菠蘿口味，嘅好似棉花糖咁嘅口感，上面有四款朱古力做點綴，為這一餐盛宴畫上完美的句號。
總結：食物色香味俱全，每樣配搭都十分創新，賣相精緻，睇得出廚師對分子料理的熱誠和心思，唔好睇佢細細份，咁多樣夾埋食到好飽，非常適合慶祝生日或者情人節撐枱腳。
張貼
