似乎是新開張的中式甜品店。最支持本土經濟發展的我，當然要來會一亼佢啦
環境好企理舒服，揉合cafe的感覺，好文青feel。
用心擺設
餐牌都走清新路線，完全反轉以前老土古老的糖水店的型式。
外賣用紙杯！支持環保
生磨香滑芝麻糊$26
真夠滑而且香，唔會太甜，真係滑入口的芝麻糊。我LIKE佢唔會太「傑」，口感非常之好。
芋茸蓮子西米露$26
真係好蓮子肉呢~比一般的椰汁西米露更有香味，而且比較有口感。食落又唔會覺得好HEAVY，應該係椰汁的比例做得好，正~!
凍椰汁紫米露$28
呢個好多紫米，非常有咬口。同樣，都唔會好甜，呢到既糖水最大的好處就係味道TUNE得非常之好，既有糖水甜甜的味，但食完又唔會好滯~!!!!
