京都一の傳 (已結業)

同事farewell lunch，揀咗嚟呢度食高級日本菜。以前都嚟過呢度食，佢嘅吉列A4和牛真係好正，食完真係好回味，可惜嘅係件數唔係太多，以至上次唔係好夠飽。今次我叫咗特上天婦羅丼，一上枱即刻嘩一聲，portion好大，好豐富。有一隻炸蛋，兩隻炸蝦，炸番薯，炸冬菇，炸穴子，差南瓜，炸露筍，非常豐富。值得一睇係隻炸蛋，入邊係流心嘅，值得為佢影一幅相。另外，炸穴子都係好出色，誠意推介俾大家。至於喎吉列豚肉定食，吉列係好鬆脆，豚肉好有質感，但係相比之下，天婦羅丼真係驚喜同埋正好多。