163
17
5
等級4
415
0
2018-04-27 225 瀏覽
omakase係日本嘅廚師發辦,用嘅食材同煮法都係由廚師精心挑選嘅。今次係旺角試下呢間主打omakase嘅新餐廳,我地叫左每位800蚊嘅set,價錢唔平,但係食材同味道都係一流!前菜前菜貌相非常精緻, 我就由魷魚開始食起。魷魚非常有咬口,與蘿蔔相配得易。而用小高杯裝住嘅係髮菜 ,酸酸咪咪咁,有醃製過嘅感覺,有少少似食凍嘅碗仔翅。青椒食落感覺十分清新 ,而豆腐就有少少甜味同清甜嘅豆味。天婦羅蝦同千島醬非常配合,各款前菜都非常唔錯。刺身刺身有3款 ,分別係粒貝、牡丹蝦同拖羅。呢度嘅醬油比平時食開嘅味道較咸,較能帶出魚生嘅鮮味。粒貝係點鹽食,食落口感較一般貝類硬,帶點青檸香,鹽令粒貝嘅鮮味更為突出。牡丹蝦同櫻花蝦粹 一齊食,比一般鮮甜肥美。拖羅係3款魚生入面我最鍾意嘅, 食落相當肥美,入口即溶。熱食呢個係面豉馬刀貝,亦即係我地平時食開嘅聖子。聖子非常大隻,上面佈滿左炸蒜片同薑絲,入口非常惹味。壽司壽司有3款,分別係右口魚、針魚同埋海膽軍艦。平時我地一般都係食開左口魚,今次就試下呢個右口魚,其實味道都同左口魚差唔多,属於味道較淡嘅魚生。針魚食落味道亦十分清甜,非常唔錯。我最鍾意嘅都係海膽軍艦,
更多
omakase係日本嘅廚師發辦,用嘅食材同煮法都係由廚師精心挑選嘅。今次係旺角試下呢間主打omakase嘅新餐廳,我地叫左每位800蚊嘅set,價錢唔平,但係食材同味道都係一流!

前菜
3 瀏覽
0 讚好
0 留言

前菜貌相非常精緻, 我就由魷魚開始食起。魷魚非常有咬口,與蘿蔔相配得易。而用小高杯裝住嘅係髮菜 ,酸酸咪咪咁,有醃製過嘅感覺,有少少似食凍嘅碗仔翅。青椒食落感覺十分清新 ,而豆腐就有少少甜味同清甜嘅豆味。天婦羅蝦同千島醬非常配合,各款前菜都非常唔錯。

刺身
4 瀏覽
0 讚好
0 留言

刺身有3款 ,分別係粒貝、牡丹蝦同拖羅。呢度嘅醬油比平時食開嘅味道較咸,較能帶出魚生嘅鮮味。粒貝係點鹽食,食落口感較一般貝類硬,帶點青檸香,鹽令粒貝嘅鮮味更為突出。牡丹蝦同櫻花蝦粹 一齊食,比一般鮮甜肥美。拖羅係3款魚生入面我最鍾意嘅, 食落相當肥美,入口即溶。

熱食
4 瀏覽
0 讚好
0 留言


呢個係面豉馬刀貝,亦即係我地平時食開嘅聖子。聖子非常大隻,上面佈滿左炸蒜片同薑絲,入口非常惹味。

壽司
2 瀏覽
0 讚好
0 留言


壽司有3款,分別係右口魚、針魚同埋海膽軍艦。平時我地一般都係食開左口魚,今次就試下呢個右口魚,其實味道都同左口魚差唔多,属於味道較淡嘅魚生。針魚食落味道亦十分清甜,非常唔錯。我最鍾意嘅都係海膽軍艦,啲海膽多到流晒落黎,食落非常鮮甜,超好食。

蜆肉麵豉湯
1 瀏覽
0 讚好
0 留言

平時飲面豉湯成日都會覺得好咸,但呢度嘅面豉湯就唔會比我呢種感覺,反而係非常鮮美,飲落有香濃嘅蜆肉味。

甜品
2 瀏覽
0 讚好
0 留言

甜品有2款,分別係雪糕同櫻花糯米。雪糕係芝麻味嘅,下面有好多嘅抹茶粉 加埋一齊食又好match。櫻花糯米有淡淡嘅櫻花香,食落唔會太甜。

最後仲有得歎番杯日本抹茶,感覺非常完滿。

3 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$800