影片
更多
2022-08-29
121 瀏覽
經朋友介紹呢間粵藝館，所以趁住紀念日去食好西🤭去到咁啱見到有師傅燒緊“天下第一豬”🤣我都係第一次咁近距離睇人燒豬，睇完都覺得肚餓🤤餐廳入面比較寧靜舒服，位置主要都係sofa位，食到咁上下搵資料先知原來海港城都有分店，仲有海景睇，相信望海食飯會再開心啲❤涼子十八斬 · 話梅醉乳鴿-普通燒乳鴿就食得多，醉乳鴿真係第一次，師傅將乳鴿切得好仔細，掛住食唔記得數係咪真係18斬🤣醉乳鴿有少少酒香但唔濃而且仲食到甜甜既話梅味，好醒胃👍🏻一蟹兩藝:皇室焗釀蟹蓋及炸軟殼蟹伴陳醋野菜沙律-即炸軟殼蟹好香口又唔會成口油，加埋酸酸既沙律好夾，而且側邊既係焗釀蟹蓋，咬落啖啖肉，勁濃蟹味😛😛😛天下第一豬-朋友話一定要叫呢個黎食，果然名不虛傳👍🏻外皮又薄又香脆唔會硬邦邦，而且肉質嫩滑唔嚡，仲保留到肉汁，配埋佢既乳豬醬真係一絕❤❤❤金沙鳳尾蝦鍋巴-金沙即係咸蛋啦，一上枱勁香咸蛋味，口水真係直流🤣但少心唔好辣親咀因為真係好熱🤣瓦罉啫啫唐生菜-唔好以為呢個只係普通既啫啫菜煲，佢既魅力係眼見有10枱8枱都會點佢🤣真心平時食既真係同佢冇得比，呢度完勝👍🏻👍🏻花膠天白菇菜膽-原來呢度除左第一豬，花膠既菜式都係佢地既招牌，花膠又
去到咁啱見到有師傅燒緊“天下第一豬”🤣我都係第一次咁近距離睇人燒豬，睇完都覺得肚餓🤤
餐廳入面比較寧靜舒服，位置主要都係sofa位，
食到咁上下搵資料先知原來海港城都有分店，仲有海景睇，相信望海食飯會再開心啲❤
涼子十八斬 · 話梅醉乳鴿-
普通燒乳鴿就食得多，醉乳鴿真係第一次，師傅將乳鴿切得好仔細，掛住食唔記得數係咪真係18斬🤣醉乳鴿有少少酒香但唔濃而且仲食到甜甜既話梅味，好醒胃👍🏻
一蟹兩藝:皇室焗釀蟹蓋及炸軟殼蟹伴陳醋野菜沙律-即炸軟殼蟹好香口又唔會成口油，加埋酸酸既沙律好夾，而且側邊既係焗釀蟹蓋，咬落啖啖肉，勁濃蟹味😛😛😛
天下第一豬-朋友話一定要叫呢個黎食，果然名不虛傳👍🏻外皮又薄又香脆唔會硬邦邦，而且肉質嫩滑唔嚡，仲保留到肉汁，配埋佢既乳豬醬真係一絕❤❤❤
金沙鳳尾蝦鍋巴-金沙即係咸蛋啦，一上枱勁香咸蛋味，口水真係直流🤣但少心唔好辣親咀因為真係好熱🤣
瓦罉啫啫唐生菜-唔好以為呢個只係普通既啫啫菜煲，佢既魅力係眼見有10枱8枱都會點佢🤣
真心平時食既真係同佢冇得比，呢度完勝👍🏻👍🏻
花膠天白菇菜膽-原來呢度除左第一豬，花膠既菜式都係佢地既招牌，花膠又大又滑，完全冇腥味，正❤❤
萬壽果銀耳桃膠-飯後糖水少不了👍🏻糖水清甜舒暢，為成餐飯劃上完美句號。
總結:估唔到平時食開既粵菜都可以咁精美，果然同佢既名一樣每件都係藝術品咁👍🏻而且價錢亦唔算太貴❤
張貼
