粥粉麵飯

營業中

休息中

餐廳：粥粉麵飯地點：西環堅尼地城菜式：中菜餐牌：廚師推介，火鍋套餐，時令小菜，精美小菜，特色小食，素菜，炒飯麵，飲品。落單可掃QR code或者同服務員落。碧綠炒龍躉球 $138 另加一龍躉球9大件，皮好厚，整得皮有咬口又彈牙，而肉好嫩，簡單加上蒜蓉同蔥條炒已經夠味。配有唔少西蘭花。金銀蒜粉絲蒸鮮魷 $118 另加一鮮魷份量唔少，好鮮脆，簡單加上蒜蓉同蔥花已經夠味。下底粉絲好滑溜又吸汁，唔錯唔錯。蟲草花鼠耳蒸滑雞 $88 另加一連皮滑雞件大概有十舊，好滑溜，配有唔少黑木耳同蟲草花加蔥花同蒸，味道唔錯，唔會過鹹或者油。杞子紅棗茶 凍 $19 另加一杞子紅棗茶大大杯，甜度同冰量都適中，夠解渴。檸檬水 凍 $19 另加一檸檬水有好多片檸檬，糖水另上。今餐小炒好鮮明，味道好，材料新鮮。服務員態度友善。餐廳裝修特別，座位舒適乾淨。