影片
更多
2023-02-24
59 瀏覽
呢間新加坡人氣火鍋店相信大家都唔陌生，除咗粉紅系嘅環境啱晒打卡，店內招牌嘅滋補養生湯底亦好吸引( ˘ ³˘) .🍲 四季鍋 $232四季鍋可以自選四款湯底，價錢同鴛鴦鍋差唔多，又可以試多幾款(๑˃̵ᴗ˂̵)湯底真材實料，飲完唔會有口渴嘅感覺。✧ 膠原蛋白養顏美容鍋：奶白色湯底非常濃郁，有瑤柱、紅棗、菇同豆腐，入口鮮甜滑溜。✧ 養生藥膳醉雞鍋：醉雞件配上紅棗、杞子、玉竹等，花雕酒味突出，味道甘甜。✧ 清涼解熱雪耳鮮椰子鍋：淡淡椰子香味道清甜，加埋雪耳更滋潤。✧ 滋補藥膳香辣鍋：可以揀辣度，麻香惹味。.🥩 特色肉拼盤 $228想試多幾種肉可以揀呢款拼盤，有齊豬牛羊，全部肉類都有返啲厚度質感，唔會太薄。牛小排富油脂香，封門柳牛味濃，黑豚香肩肉質結實，嫩豬肉爽滑，羊肉卷軟嫩有少少羊羶味。.🐚 珊瑚蚌 $74/半份珊瑚蚌非常新鮮，入口爽脆鮮味。.🦑 芝士墨魚丸 $48/半份墨魚丸咬到一粒粒黑魚，爽滑彈牙，入面包住嘅芝士呈流心狀，味道交融更濃郁。.🫘 豆百頁 $19/半份豆味濃質感Q軟，幾掛湯汁。..🖤 黑毛肚 $39/半份黑毛肚比一般牛柏葉更爽脆，唔會有內臟異味，配香辣鍋最夾。.🩸鴨血 $29/半份
.
🍲 四季鍋 $232
四季鍋可以自選四款湯底，價錢同鴛鴦鍋差唔多，又可以試多幾款(๑˃̵ᴗ˂̵)湯底真材實料，飲完唔會有口渴嘅感覺。
✧ 膠原蛋白養顏美容鍋：奶白色湯底非常濃郁，有瑤柱、紅棗、菇同豆腐，入口鮮甜滑溜。
✧ 養生藥膳醉雞鍋：醉雞件配上紅棗、杞子、玉竹等，花雕酒味突出，味道甘甜。
✧ 清涼解熱雪耳鮮椰子鍋：淡淡椰子香味道清甜，加埋雪耳更滋潤。
✧ 滋補藥膳香辣鍋：可以揀辣度，麻香惹味。
.
🥩 特色肉拼盤 $228
想試多幾種肉可以揀呢款拼盤，有齊豬牛羊，全部肉類都有返啲厚度質感，唔會太薄。牛小排富油脂香，封門柳牛味濃，黑豚香肩肉質結實，嫩豬肉爽滑，羊肉卷軟嫩有少少羊羶味。
.
🐚 珊瑚蚌 $74/半份
珊瑚蚌非常新鮮，入口爽脆鮮味。
.
🦑 芝士墨魚丸 $48/半份
墨魚丸咬到一粒粒黑魚，爽滑彈牙，入面包住嘅芝士呈流心狀，味道交融更濃郁。
.
🫘 豆百頁 $19/半份
豆味濃質感Q軟，幾掛湯汁。
.
.
🖤 黑毛肚 $39/半份
黑毛肚比一般牛柏葉更爽脆，唔會有內臟異味，配香辣鍋最夾。
.
🩸鴨血 $29/半份
點咗香辣鍋就一定要配鴨血，口感嫩滑，烚耐啲吸收湯底精華，更麻香入味。
🌱 萵筍片 $19/半份
萵筍片色澤碧綠，新鮮爽脆。
.
🫖 水果紅茶 $25
可無限量添加，茶香清新，果味突出又唔會太甜，配火鍋解渴又解膩。
.
👅 自助吧 $20(醬料費/位)
有多款涼伴前菜同埋水果任食，醬料更加非常豐富，有超過二十款選擇，其中韭菜醬、牛肉醬等幾特別。
.
🍊 柚子沙冰 (贈送)
酸酸甜甜夠晒冰凍，食完熱辣辣火鍋，飲落好爽！
.
總括而言：環境寬敞燈光明亮，坐得好舒服！食物質素相當不錯，而且最好係可以叫半份，兩個人打邊爐啱晒，可以試多啲款式(*´ω`*)除咗環境食物，服務質素亦好好，滿意的一餐！
張貼
