SO! BangKok Thai Eatery & Desserts

營業中

休息中

今日約咗朋友食元朗依間粉系泰國餐廳，而且仲係動物友好餐廳。以粉紅色色調為主，好搶眼，好易搵到。入到去裝修都好靚、好modern，有次似咗同泰國嘅感覺。首先，我哋叫咗一個泰婆婆秘製海南雞飯。雞皮爽口，雞肉好嫩滑，加埋個甜酸辣雞汁，真係越食越開胃🤤之後我哋叫咗個泰式香草炒肉碎炒意粉配溫泉蛋。意粉炒得好乾身，意粉好彈牙，但我覺得炒肉碎配炒飯會更夾。嚟食泰國嘢，點少得冬陰功海鮮湯。海鮮湯偏甜，唔太辣，裡面隻蝦好大隻，海鮮都好鮮味。甜品方面，我哋叫咗一個皇家泰茶泰刨冰。刨冰泰茶味超濃郁，唔太甜啱啱好，刨冰做到好綿，配上面嘅椰子雪糕一齊食可以減膩，另外刨冰有跟埋熱珍珠同埋蛋糕塊，方便我地自由配搭黎食。芒果糯米飯一定係必食甜品。芒果粒好甜，糯米飯上面有撒餅碎，失落比平時食嘅芒果糯米飯多一層口感。