嘆甜品

營業中

休息中

聽朋友講粉嶺有間甜品店大件夾抵食 即刻帶埋自己個囡一齊去🤣小小嘅舖頭，但全部都係貓貓deco，鍾意貓貓嘅朋友真係一定要朝聖❤️個menu一打開已經眼花撩亂，好多款唔同嘅甜品揀😂🔅炸魚蛋燒賣本來我係炸燒賣嘅fans，聽到有炸燒賣就會狗衝今次都唔例外，一上枱熱辣辣，再配埋泰式辣醬！酸酸甜甜好開胃🔅岩鹽拖肥Oreo鮮忌廉窩夫賣相好靚，打卡好靚！濃濃嘅Oreo味同岩鹽拖肥好夾，再加埋外脆內軟嘅窩夫配埋雲呢拿雪糕和忌廉一齊食！真係超正！雪糕仲有得揀味道！🔅 岩鹽奶蓋無花果乾窩夫配日式焦糖燉蛋奶蓋好香滑，加埋窩夫一齊食又真係好夾，在瀋上一層無花果碎，啲味道啱啱好，完全冇搶過奶蓋嘅香味！配埋焦糖燉蛋真係只能講一定要試呢個！🔅 焦糖脆脆花生醬甜鮮奶吐司依個我真係覺得必叫！每一啖吐司都有滿滿嘅濃濃嘅花生醬同埋甜鮮奶！再向上面曬上又脆又甜嘅焦糖脆脆！擺少少雪糕響上面，再一啖擺落口！真係有種又鹹又甜嘅感覺！超好食！絕對必叫！我鍾意呢一個配搭！