可可豬椰香海南雞專門店

營業中

休息中

天氣實左太熱啦，真係唔想煮飯，就一於去買外賣，岩岩放工見到呢間餐廳都多人排隊就黎試下。間野叫可可豬海南雞飯，梗要叫個試下，當然都有其他野食下啦！！黑蒜醬燒豬軟骨配飯豬軟骨整得好淋，好入味。黑蒜醬味道亦都可口，蒜味亦都香濃，略嫌稍鹹，但整體都唔錯呀！椰香海南雞飯用得海南雞飯專門店做招牌，當然好出色。雞肉非常滑嫩，雞味濃郁，去完骨啖啖肉。雞飯帶有椰子香，感覺比平時食到既雞油飯帶多點清甜。配菜都同樣出色，味道酸甜，好開胃。配埋雞湯，無得輸。價錢亦相宜。蒜泥白肉食落微辣，加上惹味香蒜，配上五花肉，送飯一流，如果醬汁更多就更好啦！天氣太熱所以另加錢叫左2杯野飲。巨峰提子乳酸梳打提子同乳酸味道都幾突出之餘亦唔會蓋過對方既味道，解渴之選。熱情豐盛自家製飲品都唔錯，淡淡熱情果，都幾生津解渴。食咁多，每人都係大約六十蚊，都真係幾抵。