井巷子 by 鋒膳 (已結業)

米芝芝 。精緻fine din 川菜夜 🌶️川菜作為中國「八大菜系」之一，一向以麻同辣聞名。其實辣只係川菜其中一個味道面向。川菜有「七味」：甜、酸、鹹、麻、苦、辣、香，而從中發展出多種味型，整體着重平衡，味道和諧。位於上環嘅井巷子就係一間唔會一味死麻死辣，主打糅合現代烹調風格、味道豐富嘅川菜。脆皮茅台三黃雞做到外脆內軟嘅效果，雞皮甘香鬆脆，肉質嫩滑得嚟仲有香濃嘅茅台味，酒香撲鼻 🍶 要預訂但好有驚喜，值得一試皺皮椒口水皮蛋辛香開胃，皮蛋夠溏心，黏稠嘅蛋黃口感一流皺皮椒酸菜魚 酸菜口感爽嫩配合自家泡的雲南皺皮椒，湯底清爽唔油，微辣之中透出酸香。呢一款連湯都可以飲嘅酸菜魚🐟食完都唔會涸喉亦更加襯托到魚肉嘅鮮美。魚肉厚實彈牙，整體配合得好好麻辣家燒豆腐魚糍粑~ 豆腐魚即係九肚魚。香脆又柔滑嘅九肚魚加上煙韌嘅糍粑口感好有趣呢度嘅食物都係貴精不貴多。重香不重辣。唔食得辣嘅都可以一戰。（不過不得不彈嘅係啲樓面服務完全唔 up to standard，十問九唔應，明明晚市唔係忙唔知佢哋做緊乜。令人疑惑😐）