譚仔雲南米線 (宏貿發展大廈)

又到星期六，好難得又抽中賣旗
炎夏做完義工拿拿聲搵地方坐低食嘢先
連鎖米線店總有一間喺左近
一開門冷氣撲面透心涼呀！

例牌叫呢幾樣嘢食
兩餸米線走唔甩，小食雞翼必點
魚腐雞肉清湯米線走青走芽菜
味道依舊份量足夠，連鎖店水準穩定
湯底清澈少少偏咸但食完唔會口乾
雞肉嫩滑唔會柴，米線夠食軟硬適中
魚腐同出面街買唔同感覺，好味！

當然唔少得叫份大嘅土匪雞翼
醃得入味炸得酥脆肉汁泌出嚟
其實5隻都唔太夠喉哈哈哈
加多杯凍奶茶好爽呀～滿足晒