影片
更多
2022-10-26
473 瀏覽
星期日晏晝想去上環無限極食壽司，諗住分店多咗，人潮應該有所緩和。點知係我想太多😑，所以隨意喺上環搵嘢食算。對面正好有間裝修唔錯嘅餐廳叫「Home A Day」，粉紅少女系嘅裝潢令人以為係打卡Cafe💕，不過睇餐牌就發現乜都有得食！餐廳定價屬合理水平，喺上環商業區而言算係咁。星期日佢都有提供下午茶套餐，款式多元化，主菜或輕食一應俱全👍。題外話，呢度收加一服務費。叉燒蛋香脆薄餅($78)，🐷叉燒蛋聽落滿有濃厚港式風情🇭🇰，薄餅實物比想像中更吸引！🍕餅底堅薄，似餅乾/粟米片多啲，口感酥脆，食落無乜飽滯感。薄餅中心放咗一隻溫泉蛋，篤穿後蛋汁一湧而出🍳，再配埋大量芝士、洋蔥同叉燒，整體既惹味又搭調，驚喜滿滿。櫻花蝦海鮮喇沙($78)，🍜喇沙畀人第一感覺係好足料，餸料包括青口、大蝦、帶子、魚蛋、豆卜同雞蛋等，啲海鮮大大隻，亦唔係雪到無呢味道嗰種。🦐櫻花蝦能提升喇沙湯香氣，而湯底本身亦帶椰香，唔辣的。🥢麵底唔係傳統嘅油麵/米粉，反而係米線，麵條偏幼身兼彈牙，不過建議喺餐牌寫明係邊款麵，等人有預算。飲品方面🥤，我哋要咗粉粉櫻花椰香鮮奶特飲(原價$48)同冰搖檸檬洛神花茶(原價$46)，下午茶餐跟特飲可
星期日晏晝想去上環無限極食壽司，諗住分店多咗，人潮應該有所緩和。點知係我想太多😑，所以隨意喺上環搵嘢食算。
對面正好有間裝修唔錯嘅餐廳叫「Home A Day」，粉紅少女系嘅裝潢令人以為係打卡Cafe💕，不過睇餐牌就發現乜都有得食！
餐廳定價屬合理水平，喺上環商業區而言算係咁。星期日佢都有提供下午茶套餐，款式多元化，主菜或輕食一應俱全👍。題外話，呢度收加一服務費。
叉燒蛋香脆薄餅
$78
42 瀏覽
0 讚好
0 留言
叉燒蛋香脆薄餅($78)，🐷叉燒蛋聽落滿有濃厚港式風情🇭🇰，薄餅實物比想像中更吸引！🍕餅底堅薄，似餅乾/粟米片多啲，口感酥脆，食落無乜飽滯感。薄餅中心放咗一隻溫泉蛋，篤穿後蛋汁一湧而出🍳，再配埋大量芝士、洋蔥同叉燒，整體既惹味又搭調，驚喜滿滿。
櫻花蝦海鮮喇沙($78)，🍜喇沙畀人第一感覺係好足料，餸料包括青口、大蝦、帶子、魚蛋、豆卜同雞蛋等，啲海鮮大大隻，亦唔係雪到無呢味道嗰種。🦐櫻花蝦能提升喇沙湯香氣，而湯底本身亦帶椰香，唔辣的。🥢麵底唔係傳統嘅油麵/米粉，反而係米線，麵條偏幼身兼彈牙，不過建議喺餐牌寫明係邊款麵，等人有預算。
飲品方面🥤，我哋要咗粉粉櫻花椰香鮮奶特飲(原價$48)同冰搖檸檬洛神花茶(原價$46)，下午茶餐跟特飲可減$10，而冰茶就加$6搞掂。🌸櫻花嗰杯賣相一流，奶香順滑，滲出櫻花香，亦唔太甜。洛神花茶帶微微酸，而味道同顏色都有少少似利賓納，哈哈。
總括嚟講，簡單食隨心食都發掘到美食😊，佢個薄餅好出色，絕對值得一試。另外，我仲發現餐廳有甜品食同啤酒飲，相信總有一樣啱食呢！
張貼
