alfafa (樂富廣場A區)

營業中

休息中

今日同好朋友食飯，我哋嚟到樂富廣場呢一間餐廳Alfafa ，食咗一餐性價比高嘅晚餐朋友叫了單點，可以加錢轉為套餐，有湯同餐後飲品，今晚嘅餐湯係南瓜甘筍湯，餐湯是附上正常餐包的，但朋友説可以免費轉為法包的，果然法包烤得硬身並脆口，就咁食同浸湯食都一樣美味！這個湯把南瓜和甘筍打得極軟綿香滑，入口認真舒服朋友選擇咗烤有骨豬柳天使麵，首先上碟見到豬柳大大塊，煎得甘香，試了一口，好有咬口，完全鎖住肉汁，微焦的豬柳的確好吃！醬汁是紅酒汁，濃稠適中，天使麵煮得剛好，保持咬口而可以掛汁，甜甜的很滋味！我就跟Supreme Set Menu，點選了Alfafa 海鮮飯，果然用餐廳名命名的signature真的出色，海鮮有藍青口，虎蝦，蜆肉，魷魚，大西洋鱈魚柳，虎蝦和魷魚好彈牙，藍青口新鮮，最喜愛鱈魚柳，魚皮煎得香脆，魚肉幼滑到極，而更加要讚嘅係海鮮飯，濃厚嘅醬汁包煮飯吃，口感好豐富！菜單雖然簡單，但係樣樣都想食，要嚟多好多次先至得，還有店員的服務態度極好，非常有禮貌，值得一讚！