大哥雞飯去骨海南雞 (銀幕街)

營業中

休息中

有時出街食太多總會想食得簡單啲有住家飯感覺，海南雞飯正係我既不二之選❤️ 晚餐就決定去附近新開既大哥雞飯試下， 平日路過都見到有唔少人幫襯估計都有番一定的水準。今晚叫左個二人餐， 有半隻雞同豬頸肉，我地一家三口都夠食。首先跟餐有老火靚湯，飲落真係有屋企既感覺！勁多雞絲同紅蘿蔔係湯入面，仲有一件粟米，絕非一般茶餐廳例湯！主菜招牌海南雞，寫明用清遠麻雞製作， 皮爽肉嫩，食落又真係唔錯，雞肉嫩滑彈牙，重點係隻雞啲雞皮唔會有好多肥膏，同埋嗰啲啫喱狀物體👍🏻我家小主都比十個like，配送的油飯亦十分香濃。炭燒豬頸肉，豬頸肉燒到脆邊好好食，爽口，份量又足，點埋海南雞個辣汁送飯一流。泰式無骨鳳爪- 鍾意食辣嘅朋友一定要食，泰式辣汁做得十分出色，無骨鳳爪亦很入味，很有驚喜！ 愛無骨鳳爪之人一定要加配！豬串燒 - 沙嗲汁把串燒也淹沒😂鮮魚湯浸時菜- 重中之重， 最簡單又最健康既菜， 無味精大大碟， 好難唔將依度變我新既食堂！