麥當勞 (元朗廣場)

營業中

休息中

身為麥當勞嘅fans，有新產品又點會唔去試下。 麥當勞個幾兩個月前推出咗朱古力批， 雖然熱情已經減退， 但終於有機會去試下新野。今次叫咗個朱古力批新地， 由於唔想個朱古力批放入雪糕裏面好快腍， 於是就叫店員分開放。朱古力摸落都幾熱， 一入口脆卜卜， 又啱啱炸起， 入邊嘅朱古力漿都好辣口， 食起嚟真係要小心小心。 雖然個批夠脆， 但可惜入面嘅朱古力醬唔好味， 可可味一啲都唔濃， 味道仲有啲似朱古力金幣咁㗎假。 老實講， 真係令人有啲失望。配合埋朱古力新地雪糕， 有冰火感覺， 震撼神經。個人認為如果食朱古力批加新地雪糕，都算食得過 。但如果淨係食朱古力批嘅話， 就可以避免了。