CRAZYPIE

營業中

休息中

朋友介紹咗呢間撻畀我，今次已經係第二次去， 知道佢啲撻好容易賣曬所以嗰日專登開門就去買～今次買咗半打六個款🙈 包括伯爵茶麻薯，薄荷oreo，檸檬吉士，紅豆紫米芋圓，海鹽焦糖流心咖啡芝士同奶茶奶蓋芝士～其實上次都有買伯爵茶麻薯，但係我哋唔知道要攤一攤所以即刻切開咗黎食就覺得好硬一般般，今次食就覺得好煙韌👍同埋伯爵茶都幾香唔錯😋我自己唔鍾意食薄荷，但係兩個食薄荷嘅朋友都話呢個薄荷味好出，幾出色～檸檬吉士就係經典款所以先試，但係完全唔係我杯茶🙈唔中意吉士呢個口感紅豆紫米芋圓一食唔覺得好甜，但係食食下都有啲膩， 今次第二次都完全唔覺得有芋圓喺裏面，無煙韌口感，有點失望流心咖啡就好香咖啡味，但係都係有啲膩，因為幾甜奶茶奶蓋芝士朋友就話好似飲緊珍珠奶茶少甜，個味道唔太出，做得一般其實我地四個都覺得食到最後都幾膩，希望可以繼續出番啲少甜新款批甚至係鹹批😅