影片
更多
2022-04-30
62 瀏覽
終於都有返晚市堂食，即刻食返啲好嘢先，揀咗個二人餐，同朋友share是日餐湯同龍蝦湯。是日餐湯-椰菜花湯椰菜花湯味道好濃好香，而且足料，不會好稀。龍蝦湯好惹味，仲食到有龍蝦肉，正！第一個主菜甜蝦刺身意大利麵，甜蝦好新鮮，食到鮮甜味，配埋醬撈意大利麵食。甜蝦同意大利麵好夾，意大利麵軟硬適中，好好食。第二個主菜Pizza，有煙三文魚、蕃茄莎莎、牛油果醬、酸忌廉、墨西哥辣椒、青檸、墨西哥玉米片。pizza味道同口感都好好，主料係煙三文魚，夾埋其他配料，味道好豐富，而且加了墨西哥玉米片，令到個口感有脆脆嘅效果，層次分明。下次再嚟都會encore呢個pizza。小食黑松露薯條，加$38。薯條面加了刨出嚟嘅芝士碎，再點埋個黑松露醬，真係食到停唔到口。個醬有好濃沃的黑松露味，配埋薯條面頭芝士碎，令人忍唔住一啖接一啖。第一個甜品係香辣朱古力蛋糕，蛋糕不會一味得個甜字。好重朱古力味，配埋個dressing係辣嘅，甜甜辣辣，好特別，因為有朱古力味去中和，不會辣到食不到，反而係吊咗啲味出嚟，這個配搭好好。第二個甜品係朱古力布朗尼芭菲，朱古力布朗尼都係好重朱古力味，配埋個杯裏面嘅生果同埋sauce，令到個口感
是日餐湯-椰菜花湯
椰菜花湯味道好濃好香，而且足料，不會好稀。龍蝦湯好惹味，仲食到有龍蝦肉，正！
第一個主菜甜蝦刺身意大利麵，甜蝦好新鮮，食到鮮甜味，配埋醬撈意大利麵食。甜蝦同意大利麵好夾，意大利麵軟硬適中，好好食。
第二個主菜Pizza，有煙三文魚、蕃茄莎莎、牛油果醬、酸忌廉、墨西哥辣椒、青檸、墨西哥玉米片。pizza味道同口感都好好，主料係煙三文魚，夾埋其他配料，味道好豐富，而且加了墨西哥玉米片，令到個口感有脆脆嘅效果，層次分明。下次再嚟都會encore呢個pizza。
小食黑松露薯條，加$38。薯條面加了刨出嚟嘅芝士碎，再點埋個黑松露醬，真係食到停唔到口。個醬有好濃沃的黑松露味，配埋薯條面頭芝士碎，令人忍唔住一啖接一啖。
第一個甜品係香辣朱古力蛋糕，蛋糕不會一味得個甜字。好重朱古力味，配埋個dressing係辣嘅，甜甜辣辣，好特別，因為有朱古力味去中和，不會辣到食不到，反而係吊咗啲味出嚟，這個配搭好好。
第二個甜品係朱古力布朗尼芭菲，
朱古力布朗尼都係好重朱古力味，配埋個杯裏面嘅生果同埋sauce，令到個口感同味道都昇華了。
飲品分別叫strawberry ice cream float同premium chocolate，
飲到有士多啤梨果肉，不會太甜，有新鮮士多啤梨香味，不是街邊嗰啲化學合成味。
朋友都話佢嗰杯朱古力好飲，都唔會太甜，亦重朱古力味，讚。
裝修靚靚，坐得舒服，侍應服務亦都有水準。
張貼
