影片
更多
2014-05-06
621 瀏覽
呢間店無錯係幾好食，身為街坊本來好有意欲去支持佢。但佢地有樣野好差，就係成日要啲客等、又漏單、要啲客成日催佢，搞到大家都好緊張。基本上十次著咗五次，都見到唔同的客人等到唔耐煩，催佢地快啲。催到發晒脾氣的大聲鬧人的，都有一兩次。全部都係假期發生，一來係人多佢地做唔切，所以假期去食的話，一定要抱住變望夫石的決心。最好預鬆少少，大約1小時30分食一餐。例如今日我去買果陣，其實只係一半枱（5-6張）有人坐，我叫一份外賣，淨係杯奶茶堂食（因為佢地無外賣杯），咁我心諗︰ok，飲完杯奶茶先走，都係有限時間。點知……我等咗 25分鐘，只係等一杯奶茶。最後我唔耐煩，走佢催佢，杯奶茶兩分鐘內到。問佢點解要等咁耐，係咪因為廚房得一個人做，佢話係。 上述個案，其實晌一般茶餐廳，個處理方法一定係︰廚部同茶水部分別由兩個人做，有時企堂會兼埋茶水果份，因為企堂知道邊啲客等咗好耐張枱都仲係吉，就會塞杯餐茶俾個客頂住先。因為啲茶膽、咖啡其實一早沖好晒，只需加奶加冰就得，根本無需要啲客等。但佢地個邏輯係，一個人負責晒廚同茶水，然後廚仲要搞掂晒廚自已果啲單，有空檔，先至開始做茶水單，咁你有得三四張枱，個個都食野，餐茶咪永
基本上十次著咗五次，都見到唔同的客人等到唔耐煩，催佢地快啲。催到發晒脾氣的大聲鬧人的，都有一兩次。
全部都係假期發生，一來係人多佢地做唔切，所以假期去食的話，一定要抱住變望夫石的決心。最好預鬆少少，大約1小時30分食一餐。
例如今日我去買果陣，其實只係一半枱（5-6張）有人坐，我叫一份外賣，淨係杯奶茶堂食（因為佢地無外賣杯），咁我心諗︰ok，飲完杯奶茶先走，都係有限時間。點知……
我等咗 25分鐘，只係等一杯奶茶。
最後我唔耐煩，走佢催佢，杯奶茶兩分鐘內到。
問佢點解要等咁耐，係咪因為廚房得一個人做，佢話係。
上述個案，其實晌一般茶餐廳，個處理方法一定係︰廚部同茶水部分別由兩個人做，有時企堂會兼埋茶水果份，因為企堂知道邊啲客等咗好耐張枱都仲係吉，就會塞杯餐茶俾個客頂住先。
因為啲茶膽、咖啡其實一早沖好晒，只需加奶加冰就得，根本無需要啲客等。
但佢地個邏輯係，一個人負責晒廚同茶水，然後廚仲要搞掂晒廚自已果啲單，有空檔，先至開始做茶水單，咁你有得三四張枱，個個都食野，餐茶咪永世都做唔切囉。
其實當時店內有成 5 個工作人員，但其中兩個老闆/股東/大廚，係坐埋一邊傾計、上網，完全無人做統籌的角色，無人睇吓邊個客等咗九世張枱都係無野食（即係無人跟單），由得果個廚係度自由發揮，變咗邊個客催，佢就做邊個張單先。你唔催佢，分分鐘張單都無埋。
我試過一次等咗40分鐘，先至催佢（我知錯了~~~），完來佢係漏咗單，我即刻走去對面樂意食，10分鐘就有得食。但因為等得太耐，我胃痛。
試過有次，我叫個奄列，落咗單佢地先發現無雞旦，即刻叫個阿姐去附近買雞旦。（因為佢地個賣點係早餐，而早餐的主角之一，係雞旦。）
我覺得佢地係唔熟餐飲業個流程，所以經常出現好多甩漏。
可惜我見到佢地個解決方法係刪走餐單上的菜式，而無檢討餐廳分工同流程。咁即使到最後你只做三款野食，無人跟單、統籌，甩漏都仍然會存在。
題外話/補充資料：
記得一定要時常留意及提醒佢地跟自己張單，要同廚部保持密切聯繫。因為呢度係無人會主動幫你跟單的。
(以上食評乃用戶個人意見 , 並不代表OpenRice之觀點。)
張貼