影片
更多
2019-09-08
1264 瀏覽
呢日帶個朋友嚟美居食米線，Lunch time居然爆哂場要等位，不過原來除咗向街間主舖外，餐廳喺屋苑入面都租多個隔離舖位，可以坐多一倍客👍🏻，所以都係10分鐘到就能入座。而家餐廳推用QR code📱自助落單，都方便嘅，有得check單又唔使驚店員落錯，仲慳返好多點餐紙。但如果老一輩呢就未必咁方便喇，店員會叫你自己落單先，到真係唔得先幫你打單😂。我哋首先一人一碗米線，由於之前食過佢個麻椒辣係幾正，BB辣嘅我叫咗最小辣🌶，佢隻辣勁啱我，因為滿足到想食小小辣但又頂唔順太辣嘅慾望。佢隻微辣偏麻加上係滲透喺個湯底到🤤，唔係平日見到辣椒或者好紅色果種，唔太油，不過有少少咸，但唔大影響。米線方面(佢只賣米線一種麵)，佢有得比你揀淋啲定硬啲，我普通就OK喇，而且呢到嘅米線比出面幼身少少同彈牙🤩，食到尾都無發脹。另外，我只係叫咗啱哂索湯嘅麵筋做餸，因為嗌咗小食。麵筋有好多嚿(~10)，抵食呀👍🏻。我朋友唔食辣，所以叫咗🐔雞湯米線，其實呢個湯都好好味，味夠濃，又係喺第間米線舖食唔到嘅味。講返米線，每碗都有芽菜、韭菜同菜脯粒，如果唔鐘意就記住走咗去喇！價錢方面，雞湯就$33、麻椒辣就$35，兩樣都係包一款$
呢日帶個朋友嚟美居食米線，Lunch time居然爆哂場要等位，不過原來除咗向街間主舖外，餐廳喺屋苑入面都租多個隔離舖位，可以坐多一倍客👍🏻，所以都係10分鐘到就能入座。
而家餐廳推用QR code📱自助落單，都方便嘅，有得check單又唔使驚店員落錯，仲慳返好多點餐紙。但如果老一輩呢就未必咁方便喇，店員會叫你自己落單先，到真係唔得先幫你打單😂。
麻椒米線
$35
92 瀏覽
0 讚好
0 留言
我哋首先一人一碗米線，由於之前食過佢個麻椒辣係幾正，BB辣嘅我叫咗最小辣🌶，佢隻辣勁啱我，因為滿足到想食小小辣但又頂唔順太辣嘅慾望。佢隻微辣偏麻加上係滲透喺個湯底到🤤，唔係平日見到辣椒或者好紅色果種，唔太油，不過有少少咸，但唔大影響。米線方面(佢只賣米線一種麵)，佢有得比你揀淋啲定硬啲，我普通就OK喇，而且呢到嘅米線比出面幼身少少同彈牙🤩，食到尾都無發脹。另外，我只係叫咗啱哂索湯嘅麵筋做餸，因為嗌咗小食。麵筋有好多嚿(~10)，抵食呀👍🏻。
雞湯米線
$33
61 瀏覽
0 讚好
0 留言
我朋友唔食辣，所以叫咗🐔雞湯米線，其實呢個湯都好好味，味夠濃，又係喺第間米線舖食唔到嘅味。講返米線，每碗都有芽菜、韭菜同菜脯粒，如果唔鐘意就記住走咗去喇！價錢方面，雞湯就$33、麻椒辣就$35，兩樣都係包一款$6餸，如果叫$8果啲餸就補差價$2。我朋友叫咗豬軟骨同墨丸做餸就即係Total加了$10，價錢有啲貴囉💸，因為等如一碗兩餸米線都可能成$50，墨丸又得3粒。
烤燒三寶
$59
61 瀏覽
1 讚好
0 留言
Btw胃食嘅我哋一人一碗米線又點夠，所以叫咗小食，其實一啲都唔小XD。我哋要咗一份烤燒三併($59)，即係有豬頸肉、雞翼同豬扒🐷。呢樣係即烤，所以真係等咗15分鐘先有得食。一嚟到發現實物同圖係一樣㗎😍，勁大份勁吸引，豬頸肉同豬扒每人每樣食到成4,5嚿，雞翼就total得2隻。三樣入面最好食係豬頸肉，烤到勁香勁脆，真係BBQ果隻味，蜜汁甜甜蜜蜜🥰，勁正。另外，豬扒好大塊，而且好入味，雖然隻味同豬頸肉有啲似，不過無咁甜，同樣非常惹味😋。蜜糖雞翼就最一般，稱唔上好食，所以完完全全被比下去。
總括嚟講，呢間米線舖真係完勝哂其他連鎖舖，無論湯底同米線本身都係，但啲餸就無乜特別同唔抵。不過燒烤小食就另計🤤，豬頸肉真係必食推介，豬扒就第二。雖然唔平，但佢份量都大，2-4人share嚟食都ok，攤分返無咁貴。題外話，飲品要另加錢，但價錢合理，樽裝可樂都係$7，我覺得一定要嗌嚟解下，因為食完覺得係好好食，但都有啲重口味🙈。今日堂食完有外賣優惠，所以我短期內會再encore‼️
張貼
