浩銘記

第一次係陪朋友飲完酒去解酒食，只係食咗兩啖都覺得唔錯！

今次終於自己嗌嚟食，嗌咗魚肉湯同埋魷魚牛柏葉！

魷魚超級好食，口感好特別，係脆脆地，但係入邊好軟滑！超級爆炸好食！
牛柏葉汁正常～

特別係佢嘅沙嗲汁！因為佢係好香好濃，但係唔鹹嗰隻！好中我愛好！算係濃味，但係唔重口味嘅！

魚肉湯就係啱唔想食粉麵飯嘅時候食！唔算好多澱粉質，但係魚肉都好多會食得飽！好大碗～
有啲似好大碗嘅生菜魚肉，但係加咗沙嗲湯底同埋鴨絲～又有小小菜都算係唔負擔嘅一餐

店員姐姐都好禮貌