上到餐廳，見到地方都幾乾淨企理。
收費係按人頭計嘅，$298有海鮮, 雞煲，打邊爐，都幾抵食呀！
仲有泰式小食可以加！
六隻泰式生蝦先至$38，非常超值！蝦肉都幾新鮮爽口㗎
泰式鳳爪$28咋，當然唔好錯過啦，鳳爪味道酸酸辣辣，非常開胃！
打邊爐嘅湯底我哋揀咗椰子雞同埋冬陰公
海鮮拼盤份量都唔少，種類好豐富！最正係鮑魚同埋帶子，新鮮又好味
我哋主要放落椰子雞湯嗰邊淥，唔想個冬陰公湯搶咗海鮮嘅味道！
我哋加咗$68要安格斯靚肥牛，牛嘅味道都幾濃，不過我哋嫌佢瘦左少少
睇吓張點餐紙，其實可以免費追加時嘅食物有好多！
我哋點左各款肉類，質素唔算超高，不過勝在選擇多！
之後仲食咗啲蔬菜！好健康呀
本身仲想飲杯泰式特飲，不過真係好飽，唯有下次先啦～
