時新快餐店 (已結業)

上星期同朋友去睇黃子華talk show, 經過紅磡, 就決定去呢間出名既時新試下!一去到天橋邊, 已經見到好多人企起度等外賣. 鋪面好細, 只得大概20個位. 好彩我地果時7點未夠, 等3分鐘就有位坐. 不過今次地方比較迫, 我地都係影得一張相...首先黎左杯凍檸茶. 一飲之下, 好澀! 感覺好似D檸檬浸左好耐. 如果佢真係一早沖定再加冰, 咁就真係差勁...我自己食漢堡蛋麵, 都只係等左幾分鐘. 漢堡加半生熟蛋再加鼓油都好味道, 但係唔知D麵係咪未淋, 太硬喇!朋友叫左芝士漢堡包: 塊漢堡扒好厚身, 加上秘制沙律醫汁, 好惹味! 再加上麵包十分鬆軟, 果然係皇牌食品