彭慶記

營業中

休息中

上OpenRice見到8月份推介的彭慶記，專登走去一試。由於唔識路，係跑馬地搵左好耐都未搵到，book左檯都遲左到，好彩當時唔多人，到我地走的時間就有一堆人係度等位。就咁睇門面就是普通食小菜的餐廳，好細間唔多檯，有幾檯係俾熟客book左，視線範圍內的食客大多是上了年紀的或是中年人。 是日例湯唔記得係咩湯，只記得係老火湯，很有住家的感覺。 士多啤梨生炒骨 -- 慕名而來就係為左食呢道菜，果然無令我地失望，非常好味，士多啤梨一d 都唔酸，甜甜地又唔會搶走生炒骨的肉香，味道夾到啱啱好。食完之後印象深刻。 蒜香雞 -- 好香的蒜頭，雞肉唔鞋，都幾嫩滑，調味方面可以做得更好。 椒鹽豆腐 -- 好滑的豆腐，炸得脆之餘又唔會太硬，口感都幾好，惜味道較淡，好似食緊無味炸豆腐一樣。