影片
更多
2023-01-15
435 瀏覽
咁啱行完街同個朋友搵唔到嘢食，就諗住試吓呢一間啦。因為之前食嗰啲刨冰都叫做OK（雖然我個friend嗰碗個底舊冰都未刨晒搞到最後融做一碗雪水咁 ），但都算唔係太差咁，就試吓佢啲熟食，估唔到完全中晒伏……首先一開始入到去，我哋想嗌餐嘅時候，完全冇侍應喺樓面，要等到佢哋得閒出嚟先可以叫到嘢食，咁都唔緊要，諗住如果佢好食都算啦，點知嗌完嘢食，啲嘢食嚟嘅時候，就知道中伏了。今次食咗佢個芝士炸雞拌飯，同埋炸醬麵，仲加咗一個年糕。首先芝士炸雞拌飯係最難食嗰個，個芝士係完全冇味，個紫菜亦都係硬到pk，基本上個飯係冇調味，只係一堆嘢撈埋一齊…第一次見人整呢啲韓式拌飯可以整到咁難食，唯一叫做OK少少嘅就係個炸雞，不過得五粒炸雞，仲要收我$62，咁不如我去街邊食啲小食唐揚雞串好過。個炸醬麵係極普通，公仔麵質素，仲要好苦，基本上係冇可能用好味嚟形容，所以我同我朋友嘅主食體驗係十分差。咁我哋諗住個小食可能會好啲，點知竟然可以整到年糕又韌又唔好味，上面啲香草更加係唔知加嚟做乜，因為個味道完全唔夾，好似溝咗啲印度香料落韓國嘢咁🤓記得臨尾個侍應仲催我哋走，但語氣係好差，連唔好意思都冇一句。總之唔會再幫襯，喺呢度寫到
首先一開始入到去，我哋想嗌餐嘅時候，完全冇侍應喺樓面，要等到佢哋得閒出嚟先可以叫到嘢食，咁都唔緊要，諗住如果佢好食都算啦，點知嗌完嘢食，啲嘢食嚟嘅時候，就知道中伏了。
今次食咗佢個芝士炸雞拌飯，同埋炸醬麵，仲加咗一個年糕。首先芝士炸雞拌飯係最難食嗰個，個芝士係完全冇味，個紫菜亦都係硬到pk，基本上個飯係冇調味，只係一堆嘢撈埋一齊…第一次見人整呢啲韓式拌飯可以整到咁難食，唯一叫做OK少少嘅就係個炸雞，不過得五粒炸雞，仲要收我$62，咁不如我去街邊食啲小食唐揚雞串好過。
個炸醬麵係極普通，公仔麵質素，仲要好苦，基本上係冇可能用好味嚟形容，所以我同我朋友嘅主食體驗係十分差。咁我哋諗住個小食可能會好啲，點知竟然可以整到年糕又韌又唔好味，上面啲香草更加係唔知加嚟做乜，因為個味道完全唔夾，好似溝咗啲印度香料落韓國嘢咁🤓記得臨尾個侍應仲催我哋走，但語氣係好差，連唔好意思都冇一句。
總之唔會再幫襯，喺呢度寫到真實食評等大家可以睇清事實😅見到佢勁多好評係莫名其妙。
9 瀏覽
0 讚好
0 留言
張貼
