影片
更多
2007-06-11
28 瀏覽
2007年6月9日星期六在沒準備之下, 和男友同樣地第一次勇闖黎個神秘又複雜的”重慶大廈”。由梯級直上至大約十步後, 見電梯就停下來等升降機, 在升降機未到Ground floor 之前, 我說: eee 乜全部都寫住A座, 跟著就有一位護衛問我地你想去邊呀, 我說7樓E座, 接著該名護衛指我們直行轉右, 無幾耐, 又有令一位護衛打開雙手攔截問我地去邊, 回答7樓E座之後, 該護衛叫我們跟隨他手一指就出現你眼前的印巴藉人仕帶領進入令一E座電梯, 感覺好奇, 探險。安排坐位的不講啦! 環境: 二個住宅單位, 無decoration, noisy , crowdy。服務:睇menu 之後, 羊痴當然點選羊肉喇! 經決定後羊及蝦各一, 男Waiter(印巴藉)人士來了, 我問: 指著menu上的二款羊肉(咖哩羊肉窩同咖哩燴羊肉有何分別), 在我未說完問題之下, 男Waiter 巳叫了一名中國藉男子Johnny 來招呼, 同樣地問題, Johnny回應, 黎d 唔好食呀, 我幫你地寫喇! 一個牛, 一個雞, menu裏面無呀, 我地說我地一定要食羊呀, Johnny 話咁呀!!! 幫你叫個羊,
在沒準備之下, 和男友同樣地第一次勇闖黎個神秘又複雜的”重慶大廈”。
由梯級直上至大約十步後, 見電梯就停下來等升降機, 在升降機未到Ground floor 之前, 我說: eee 乜全部都寫住A座, 跟著就有一位護衛問我地你想去邊呀, 我說7樓E座, 接著該名護衛指我們直行轉右, 無幾耐, 又有令一位護衛打開雙手攔截問我地去邊, 回答7樓E座之後, 該護衛叫我們跟隨他手一指就出現你眼前的印巴藉人仕帶領進入令一E座電梯, 感覺好奇, 探險。安排坐位的不講啦!
環境: 二個住宅單位, 無decoration, noisy , crowdy。
服務:
睇menu 之後, 羊痴當然點選羊肉喇! 經決定後羊及蝦各一, 男Waiter(印巴藉)人士來了, 我問: 指著menu上的二款羊肉(咖哩羊肉窩同咖哩燴羊肉有何分別), 在我未說完問題之下, 男Waiter 巳叫了一名中國藉男子Johnny 來招呼, 同樣地問題, Johnny回應, 黎d 唔好食呀, 我幫你地寫喇! 一個牛, 一個雞, menu裏面無呀, 我地說我地一定要食羊呀, Johnny 話咁呀!!! 幫你叫個羊, 一個雞喇, 我地話想食蝦喎, 他又說, 蝦唔底食呀, 你信我喇, 一羊一雞, 送一薄餅, 一個飯, 夠架啦! 跟男友眼神交流下再說, 驚唔夠喎! Johnny 像媽媽般說, 食左黎d先再講。好!!!信佢一次咁多喇!
餐前薄脆加一碟仔綠色味道神秘及食落辣辣地, 但一飲水就唔辣既醬汁自動出現。
食物:
1)一個用窩仔盛著的咖哩羊肉味道-黑黑地咖喱汁好復習, 羊肉帶有羊肉味, 不靱, 咬落唔會實的的, 用叉整開羊肉, 可見羊肉的肉文, 好味! 問他黎個叫乜名, 他說你搵我寫啦, 星期二唔好黎, 佢放假, 說完走左! 在我的好奇下, 又問Johnny 裏面有d乜料, 他說係咪好味呀? 無介紹錯你呀! 講完又走左! 唔得….我一定要問出配料, 又在他經過的時間, 捉住他又問, 係乜來姐! 今次他講出秘方有以下: 配料: 四種香料, 二種藥材(杜仲, 肉桂), 二種咖哩- 據說有壯腰保腎之功效。哈哈! 我成功了!! 坐在我隔離枱的一位老伯伯說, 這款我叫黑咖哩, 我係黎處食左十幾年, 黎個黑咖哩係最好, 每次只會食這個, 他說中醫有云, 紅咖哩食後會帶比人體內濕及臊熱, 但黑咖哩就唔會。
2)咖哩雞-味道辣辣地帶點甜, 愈食愈甜, 外貌成橙色, 雞肉Johnny 話新鮮喎, 我就唔信喇!!!!!haaaa 但無乜雪味, 都唔錯。
3)白飯
4)蔥油餅-唔會太油, 好味
我倆二人在差不多把以上食物消滅之前, 都覺得肚裏未全飽(特別係男友)又搵Johnny 問有無羊肉既咖哩角呀? 他說無既! 我說有乜羊肉好介紹, Johnny 話見係你姐, 特別整個燒羊肉串過你食。
5)燒羊肉串-味道((( 不得了呀))) 一啖咬落去肉質外層脆脆的, 內層軟軟及帶羊汁唔會靱, 一碟約十三, 四件(有相為証), 每件一啖一口剛好, 如果真要挑剔的話, 一般串燒外層確實係會帶點硬(柴皮), 但這個絕對不會柴皮(鐵板上), 絕對要叫( 推介)。男友說這個燒羊肉串(我倆不知道幾多錢之下)我願意付出$100都底食(扣環境), 在出面$150你都未必食到咁既串燒, 男友比分, 這個羊串值95分(100滿分)。男友一向對食物都無也要求, 受我感染下, 他也變成一個食家。
6)飲品: 大啤一支。
價錢: 拿起單睇左好耐都唔知邊款係邊個價錢, 一共叫左六樣野包飲品, 你地分析一下: $64, $48, $14, $60, $14, $16, Johnny 話白飯, 蔥餅送, 都唔係既……….合共$211, 九折後$191。
飯內趣聞: 差不多食飽之際, 見Johnny 急步拿著一支圓身支形既物體向我右後方步往, 他又發出eee orr orrr 不停嘴地說著, 黎支好野黎呀, 好貴呀! 據了解之後, 原來發現一位wear 白色T-shirt 男子近心口地方不小心被咖哩汁霑上, Johnny 連忙幫他把T-shirt 也想食咖哩的位子用水弄濕, 再塗上這支私家咖哩清潔液, 五分鐘後再清洗, 等待途中我發現男子的左邊手袖又有咖哩蹤影( 男子坐在路邊) Johnny 連忙又拿出私家液體幫他清理, 一邊嘴巴用x, y, z, 鬧其他Waiter 小心d, 你地睇下! 眾所周知, 咖哩汁係好難洗得掉, 食一餐咖哩難度要陪上一件衫?? Haaaaaaaa 。五分鐘後Johnny 主動帶客人到男廁清洗, 幾分鐘後, 該男子己變成穿著see-through 又sexy 回來坐下, 我不便多望! 該男子及其女友不但無喊面, 反而被Johnny 的誠懇帶著笑容繼續食飯, 男子笑著地跟我說, Johnny 想連衫都幫我洗埋!haaaaaaaaa
整體來說: Johnny個人係好多野講, e..e..or..orrr.. 又粗口又鬧人, 但心地善良, 好Funny, 唔底食細細聲叫你唔好叫。食物-好…………味, 絕對要再……..去。
** 切記唔好著白色衫去, 坐路邊要小心。
** 男友備註: 呢度唔係食環境/服務的地方, 不過d野好食就夠
張貼
