影片
更多
2020-07-11
470 瀏覽
喜歡食私房菜嘅原因就係喜歡食肆通常地方細細,圍數唔多,冇咁嘈吵,侍應服務也比較周到貼心。廚師或負責人有時會和客人溝通吓，講解食物嘅製作或了解吓食客對食品的評價,互動之餘又令氣氛輕鬆，感覺親切。私房菜嘅烹調方法通常有別於一般食肆，大師秘製居多，冇咁大路，烹調技巧比較講究，出嚟嘅食物水準也比較高。菜式往往由廚師發板，價錢可能會比較貴一點，選擇也比較少，但貴精不貴多，而且食物質素會有一定的保證，覺得物有所值。前幾晚食嗰間私房菜正正就有齊以上我喜歡嘅特點，而且也是我第一次食潮味私房菜，值得推介。🎊潮味居🎊地方細細，只容二至三圍枱，裝修古雅，防疫功夫做到足，客人食得安心。口水鮮花甲拼自制千層肉賣相非常吸睛，用乾冰營造騰雲駕霧的效果，食客為之嘩然，未嚐已有驚喜。花甲肥美鮮甜，千層肉紋路清晰，爽脆有口感，以蒜茸陳醋伴食，更加醒胃。海味盐沙尖魚雖然是簡單的炸魚，但用吊掛嘅方式上枱非常特別有趣，炸魚外脆內軟，特別是魚頭，炸到脆卜卜，異常香口。 一口凍鮮鮑拼鵞片鮑魚另以器皿個別盛載，增添矜貴感，雖然名為一口飽，但不算細隻，咬落冰冰涼涼，肉質爽口。鵞片厚肉，油脂不多，鵞肉甘香入味。手工網油煎蝦棗拼蘿蔔灌漿一
🎊潮味居🎊地方細細，只容二至三圍枱，裝修古雅，防疫功夫做到足，客人食得安心。
口水鮮花甲拼自制千層肉
賣相非常吸睛，用乾冰營造騰雲駕霧的效果，食客為之嘩然，未嚐已有驚喜。花甲肥美鮮甜，千層肉紋路清晰，爽脆有口感，以蒜茸陳醋伴食，更加醒胃。
海味盐沙尖魚
雖然是簡單的炸魚，但用吊掛嘅方式上枱非常特別有趣，炸魚外脆內軟，特別是魚頭，炸到脆卜卜，異常香口。
一口凍鮮鮑拼鵞片
鮑魚另以器皿個別盛載，增添矜貴感，雖然名為一口飽，但不算細隻，咬落冰冰涼涼，肉質爽口。鵞片厚肉，油脂不多，鵞肉甘香入味。
手工網油煎蝦棗拼蘿蔔灌漿
一般蝦棗拼上蟹棗，今次大廚則以手工網油煎蝦棗拼上蘿蔔灌漿，有新意。蝦棗以桔柚醬伴食，不覺油膩，反覺有點清新。第一次食蘿蔔灌漿，原來是潮洲的流行的街頭小吃，類似廣東新年食品蘿蔔糕，不過是炸的，香脆可口，以甜醬伴食。
花膠紅燒大魚翅
這裏的潮州翅做法有別於廣東翅，一般的是先熬湯後煲翅，這裏的做法是把排骨、烤過的雞等熬湯料和魚翅一齊熬上好幾個鐘，魚翅豐富的骨膠原迫溶於湯中，令湯底更濃郁更香滑。每碗除了有一両魚翅外，還有花膠在內，十分滋補。
普寧豆醬雞
豆醬是潮汕地區的傳統調味料，尤以普寧出產最好，咸鮮帶甘，廚師用來烹調雞隻，其惹味就可想而知，而且用上砂鍋烹煮，其受熱、散熱均勻，能長時間保溫，又可落少油更加健康，況且由於砂鍋嘅特質可以保持食物嘅原汁原味，簡真食到停吾到口。
古法鹹菜蒸筍殼
廚師把鹹菜絲、冬菇絲和芹菜絲與荀殻魚一起蒸，使魚肉索盡汁味，惹味得來又不致遮蓋魚的鮮味，魚肉入口即溶，吾錯！
方魚生炒芥蘭
由於芥蘭比夠硬，所以多數先焯後炒。其間放少許糖，芥蘭就會爽脆嫩綠。但大廚先把菜頭批去外層再生炒，已經可以做到呢個效果，可見其功架了得，。除咗芥蘭，舖在芥蘭上面類似鴨腎的物體也吸引了我的視線。原來那些是草菇，顏色黑黑哋，食落爽脆，菇味甚出。請教大廚後得知原來特別買了架烘乾機先把菇烘乾使其迫出菇味才炒，雖是配菜，但功夫也不少，難怪咁好食。
潮州乾燒雙面王
潮洲麵食中我最喜愛的一種，放上糖和醋一齊食，比贊👍！
白果羗薯綠豆爽
第一次食羗薯，以為是准山，口感類似，原來有清熱解毒之作用。白果煙勒有咬口，不太甜，吾錯的飯後甜品。
最後還有超大粒美國車厘子作結，果肉又結實又香甜。 最後當然少不了潮州功夫茶啦！
今晚呢餐雖然每位要$750，但覺得物有所值，碟碟都係工夫菜，好好味，食得出廚師的心機和技巧，多謝廚師嘅用心烹調，使我們食得滿足！
張貼
