錦麗 (上水廣場)

營業中

休息中

今日星期六，入上水同朋友辦些事，時間尚早，就在商場行吓，搵個早餐食，點知到處都有人排。比我見到間錦麗，原來佢近排開始做埋早餐，第一次有d新鮮感，不妨試吓。早晨種類有6款選擇，例如有札肉肉碎、香茅豬扒、脆魚柳、沙嗲牛肉等......仲可揀金邊粉或米粉。我揀咗扎肉金不換辣椒肉碎湯金邊粉，微微辣，札肉好好味，鮮味好彈牙，覺得金邊粉比午餐還好吃。套餐還配有牛角包和金不換炒蛋或煎蛋，牛角包熱辣辣夠酥脆，還有一杯凍檸茶，佢加多一片青檸檬，比一般檸檬茶更多鮮香味！