可可豬椰香海南雞專門店

營業中

休息中

今晚又要幫屋企人買外賣，唔知食咩好呢？呢次我揀左近紅磡嘅新加坡餐廳嗌外賣拎走。拎到屋企打開，發覺百零蚊就買到兩個雞飯，連湯連野飲，同埋蒜泥白肉，真係抵到震。先講第一款雞飯，佢係海南雞飯黎，同傳統食開嘅差唔多，雞夠滑，飯就比較特別，用左椰香飯，食落幾好味。另一款就係竹絲雞嘅雞飯，無諗到平時拎黎煲湯嘅竹絲雞原來整做雞飯都係唔錯嘅選擇，而且出面其他餐廳又唔見有人用竹絲雞整，應該得佢先有，都幾獨特。而蒜泥白肉有咁多塊又多蒜蓉，成件事好正，因為我好鍾意多蒜蓉，口腔味蕾都好豐富。另外，佢地嘅自家製飲品都唔錯，我嗌左金羅漢果養生茶同埋熱情豐盛，兩樽都係好養生，好好飲，自家製果然唔同啲。整體來說，食物同飲品質素都可以話高嘅，價錢十分親民。