金鳳大餐廳

營業中

休息中

細個話去鋸扒，唔係講乜靚扒房食，而係去平民到爆既金鳳，估唔到開左間係附近，見咁耐無食，決定去重拾兒時回憶，會一會佢！個鋪頭門面裝修得幾靚，靚到完全唔似細個嗰間金鳳咁，仲要等幾張枱先入得去。坐低叫左個鐵板牛肉拼雞腿肉，同一個椰汁焗雞肉飯，跟手就來左個熱辣辣既餐包，仲有一紅一白兩個湯。個湯就唔多講，普通到爆，個餐包同牛油夠哂熱，唔係一舊舊咁，值得一讚。個鐵板來到一淋個黑椒汁就炸炸聲好大煙，食呢d鐵板餐就係要呢啲！d肉份量好足夠，唔使加飯都食唔哂！個焗雞肉飯椰香味好夠，不過就太甜，食到好攰。最後要講d服務真係有啲差，上菜個陣時完全唔理人，差啲車到人，真係要改善下。